Nagtataka si Senate Minority Leader Juan Ponce Enrile kung bakit sa panahon ng eleksyon naglabasan ang kaliwa’t-kanang kaso ng mga kandidatong hindi kaalyado ng administrasyon.
Reaksiyon ito ni Enrile sa plunder charges laban kay Senador Ferdinand Bongbong Marcos Jr at kasong graft naman kay Senador Joseph Victor Ejercito na pawang mga oposisyon.
Naniniwala si Enrile na ito ay dahil sa pagkandidato ni Marcos bilang pangalawang pangulo,
Nagtataka rin si Enrile kung bakit ang ibang mambabatas na kaalyado ng administrasyon na may ireguliridad sa paggamit ng pork barrel ay hindi kinakasuhan.
Ayon kay Presidential Communications Operations Office Secretary Sonny Coloma walang kinalaman ang pangulo sa plunder case na isinampa kay Marcos ng Anti Corruption Group.
(Bryan De Psz / UNTV Correspondent)
Tags: ilang opposition senator, Senate Minority Leader Juan Ponce Enrile
Nagtataka si Senate Minority Leader Juan Ponce Enrile kung bakit sa panahon ng eleksyon naglabasan ang kaliwa’t-kanang kaso ng mga kandidatong hindi kaalyado ng administrasyon.
Reaksiyon ito ni Enrile sa plunder charges laban kay Senador Ferdinand Bongbong Marcos Jr. at kasong graft naman kay Senador Joseph Victor Ejercito na pawang mga oposisyon.
Naniniwala si Enrile na ito ay dahil sa pagkandidato ni Marcos bilang pangalawang pangulo.
Nagtataka rin si Enrile kung bakit ang ibang mambabatas na kaalyado ng administrasyon na may ireguliridad sa paggamit ng pork barrel ay hindi kinakasuhan.
Ayon naman kay Marcos.
“Siguro galing sa Pangulo pa yan dahil ang Pangulo ang nagunguna sa pagbabatikos sa akin kaya’t hindi siguro magtataka kung lumabas na dyan galing yan pero eh hindi kami magkasama, hindi kami magka-alyado kaya’t we can expect na sa darating na ilang Linggo baka dumami pa yan.”
Sagot rito ng Palasyo ng Malacanang, walang partisipasyon ang pamahalaan sa mga kinahaharap ni Senador Marcos.
Ayon kay Presidential Communications Operations Office Secretary Sonny Coloma walang kinalaman ang Pangulo sa plunder case na isinampa kay Marcos ng anti corruption group.
Aniya, maiging harapin na lamang ng Senador sa proper forum.
(Bryan de Paz/UNTV NEWS)
Tags: anti corruption group, Presidential Communications Operations Office Secretary Sonny Coloma, Senate Minority Leader Juan Ponce Enrile
Sabay-sabay lumabas sa tanggapan ng Comelec main office sa Intramuros, Maynila ang mga empleyado ng komisyon kaninang tanghali at nagtipon.
Dumating din ang mga kinatawan ng ilang Regional Offices ng Poll body.
Panawagan ng grupo sa kongreso, aprubahan na ang pagkakatalaga kina Andres Bautista bilang Chairman ng Comelec at Sheriff Abas bilang Commissioner.
Hindi pa aprubado ng Commission on Appointments ang Ad Interim Appointment nina Abas at Bautista.
Ayon kay Attorney Romeo Fortes, ang Presidente ng Comelec Regional Election Directors Organization o CREDO, ngayong 8 buwan na lang bago ang May 2016 elections kailangang makumpirma na ang dalawa upang maging malaya sa sila sa pagdedesiyon.
Nangangamba rin si Atty Fortes na samantalahin ng ilang pulitiko ang pagkakataon kung patuloy na mabibinbin ang confirmation nina Baustista at Abbas.
Naudlot ang pagkumpirma ng C-A kay Bautista at Abas matapos hingan ng written report ni Senate Minority Leader Juan Ponce Enrile ang Comelec kaugnay sa hindi pagtransmit ng voting results ng mahigit 18,000 noong 2013 elections.
Nakatakdang magsumite ng report ang Comelec sa nasabing issue bagama’t una nang sinagot ng poll body ang usapin sa Joint Congressional Oversight Committee on the Automated Election System.
Sinulatan na rin ng Credo, Provincial Election Supervisors Association of the Philippines o PESAP, League of Election Officers of the Nation o LEON at Comelec Employees Union ang C-A na iniendorso ang confirmation ng appointment ni Bautista.
Nagpasalamat naman si Bautista sa suporta ng mga empleyado ng Comelec.
Bukas nakatakdang muling sumalang sa Committee on Constitutional Commission and Offices ng Commission on Appointments si Bautista at Abas upang talakayin ang kanilang appointment.
Kapag nakumpirma, tatagal ang termino ng dalawa hanggang February 2022. (Victor Cosare / UNTV News )
Tags: Attorney Romeo Fortes, Comelec Regional Election Directors Organization, Commission on Appointments, Provincial Election Supervisors Association of the Philippines, Senate Minority Leader Juan Ponce Enrile, Sheriff Abas
Humarap sa Committee on Constitutional Commissions and Offices ng Commission on Appointments ngayong araw sina Comelec Chairman Andres Bautista at Commissioner Sheriff Abas.
Kaugnay ito ng deliberasyon ng komite upang makumpirma ang Ad Interim Appointment sa kanila ng pangulo.
Dumalo sa pagdinig si Senate Minority Leader Juan Ponce Enrile.
Unang sumalang sa pagtatanong ng komite si Bautista at dito agad siniyasat ni Enrile kung natugunan na ng komisyon ang sulat ni PPCRV Chairperson Henrietta de Villa noong 2013 kay dating Comelec Chairman Sixto Brillantes.
Nakasaad sa sulat ang ulat ni De villa na mahigit sa labing-walong libong presinto na katumbas ng 12 milyong botante ang hindi nakapag-transmit ng resulta sa transparency server na siyang pinagbabatayan ng quick count ng PPCRV.
Paliwanag ni Bautista, naisumite na ng Comelec sa Joint Congressional Oversight Committee on the Automated Election System ang resulta ng kanilang pag-iimbestiga sa naging problema.
Nangako rin ang poll body na patuloy na nila itong pinag-aaralan upang maiwasan na itong mangyari muli.
Sa kabila ng paliwanag ni Bautista, ipinagpaliban pa rin ang pagdinig sa kumpirmasyon ng dalawang opisyal hangga’t hindi naisusumite ang kopya ng report na hinihingi ni Enrile.
Bukod kay Senator Enrile, humarap din sa pagdinig sina Jose Ma. Ozamis at Lin Ilusorio Bildner na tumututol naman sa pagkakatalaga kay Bautista bilang Chairman ng Comelec.
Ayon kay Ozamis, ang hindi nila pagsang-ayon sa appointment ni Bautista ay bunsod ng ginawa nito noong siya pa ang pinuno ng Presidential Commission on Good Government.
Pinasinungalingan naman ito ni Bautista.
“We were then elected to the board with the knowledge and assistance of the current management however subsequently i was never invited to and hence has never attended one board meeting. So i am completely suprised by the assertion of Mr. Ozamiz that during the Aquino Administration PCGG intruded into and actively interfered in the business affairs of Philcomsat. This is simply a complete falsehood.” Pahayag ni Comelec Chairman Andres Bautista
Dismayado naman si Bautista sa pagkakasuspinde sa confirmation ng kanyang appointment bagama’t batid niyang bahagi ito ng proseso.
Tiniyak rin niyang tatalima ang Comelec sa hiling na report ni Enrile at ipagpapatuloy ang kanilang trabaho sa komisyon.
Kung hindi makukumpirma ang appointment nina Abas at Bautista bago muling mag-recess ang sesyon ng kongreso, kailangan silang i-reappoint muli ng Pangulo upang manatili sa pwesto. (Victor Cosare / UNTV News)
Tags: Comelec Chairman Andres Bautista, Senate Minority Leader Juan Ponce Enrile
