Naisagawa na ngayong araw ang makasaysayang pagsauli ng armas at Decommissoning ng mahigit sa isang daang combatants ng Moro Islamic Liberation Front sa Sultan Kudarat, Maguindanao na sinaksihan ni Pangulong Aquino.
Mahigit pitumpung armas na high powered at crew-served weapons ang itinurn over ng MILF na sa kasalukuyan ay sinisiyasat at ini-inventory ng Independent Decommissioning Body bilang unang bahagi ng Decommissioning program.
Kabilang sa mga itinurn-over sa IDB ay mga M1 garand rifle, browning automatic rifle, M14, M16A1, improvised snipper rifle, caliber 50 heavy machine gun, mortar, rocket launcher at grenade launcher.
145 Bangsamoro Islamic Armed Forces Combatants ang nagparehisto at naiproseso para sa decommissioning.
Ayon sa panig ng MILF, ito na ang pinakamahirap na hakbang na kanilang ginawa sa usapang pangkapayapaan.
Ayon kay OPAPP Secretary Teresita Ging Deles naglaan na ang pamahalaan na 2.4 billion pesos para sa Socio Economic Package sa Decommissioning process upang matulungan sila sa kanilang pagbabagong buhay na walang hawak na armas.
Tags: Bangsamoro Islamic Armed Forces Combatants, Moro Islamic Liberation Front
