Simpleng sakit sa balat huwag ipagwalang bahala upang hindi magkaroon ng ketong -DOH

by Radyo La Verdad | May 26, 2015 (Tuesday) | 2280

DOH
Nagpaalala ang Department of Health sa publiko na huwag ipagwalang bahala ang ordinaryong sakit sa balat dahil maaring sintomas ito ng ketong.

Sa record ng DOH, nitong 2013, 1,729 ang naitalang mga bagong kaso ng Leprosy sa buong bansa.

Ayon sa Department of Health may nakalaang libreng gamot para sa ketong.

Kailangan lang ay magpasuri upang maagapan kaagad at hindi lumala.

Ayon kay Doctor Ernesto Villalon ng National Leprosy Control Program ng DOH, hindi dapat ipagwalang bahala ang ordinaryong sakit sa balat.

Paalala ng Kagawaran sa ilalim ng Kutis Kilatis Program, libre ang pagpapatingin sa mga sakit sa balat sa mga health centers.

Ayon sa DOH nakukuha ang Leprosy kung na expose sa taong mayroon nito pero hindi ito namamana.

Matagal ang incubation period o inaabot ng 10 hanggang 20 taon ang binibilang bago lumitaw ang sakit sa isang nahawaan.

Subalit paglilinaw ng Kagawaran, hindi makakahawa sa iba ang ketong kung ginagamot ang taong apektado ng sakit na ito kaya hindi kailangan i- isolate o iwasan ang isang Leprosy patient .

Isang taon ang itinatagal ng proseso ng gamutan sa Leprosy. ( Victor Cosare/UNTV News)

Tags: ,