Photo credit: digitaltrends.com
Inilabas sa crowdfunding site na Kickstarter ang “Vue”, isang uri ng smart eyeglasses na kamukha ng normal na salamin at magagamit pang-araw araw.
Isi-sync lang ang smart glasses sa accompanying mobile app nito at maaari na itong magamit katulad ng ibang smart devices.
Gamit ang Vue, maaaring makinig sa music ang user nang walang nakasuot na earbuds dahil maririnig nito ang audio mula sa tangkay ng salamin sa pamamagitan ng bone conduction speakers.
Maari ring magamit ang salamin para makinig sa navigation, i-track ang activity ng user, alamin ang lagay ng panahon at sumagot sa mga phone call.
Maaaring pumili sa iba’t ibang uri ng lens, kulay ng frame, at frame style para sa eyeglasses at sunglasses ang mga interesadong umorder ng naturang smart glass.
