Photo credit: digitaltrends.com

Dine-develop ngayon ng kompanyang Open Mind Innovations ang isang smart lock device na magagamit upang maingatan ang mga gamit na nasa loob ng cabinet ng user kapag lumilindol.

Tinawag ang device na “Smart Lock System” at kinabitan ng motion-activated sensor na automatic na gagana kapag nakaramdam ito ng malakas na pagyanig.

Maaaring ma-kontrol ang Smart Lock System sa pamamagitan ng smartphone ng user, security system, o kaya’y companion remote.

Posible ring magamit ang smart lock hindi lang sa cabinet kundi sa kahit anong bagay na may bumubukas na pinto.

Hindi naman sinabi ng kompanya kung kailan ilalabas sa merkado ang naturang smart lock.

Tags: Smart lock na magagamit, upang maingatan ang mga gamit sa loob ng cabinet