Social media, gagamitin na sa paglutas ng Magsino slay case

by dennis | April 18, 2015 (Saturday) | 2950
Mula sa Facebook page ni Mei Magsino
Mula sa Facebook page ni Mei Magsino

Hinihikayat ng Philippine National Police ang publiko na tumulong sa imbestigasyon sa pagpaslang sa dating Inquirer correspondent na si Melinda Magsino.

Ito ay sa pamamagitan ng pagbibigay ng impormasyon sa binuksang Facebook account na “Task Force Magsino”.

Ayon kay PNP PIO Chief P/CSupt. Generoso Cerbo, inilagay ang Facebook account para sa mga mamamayan na gustong magbigay ng impormasyon sa kanilang nalalaman tungkol sa pagpatay kay Magsino..

Ayon pa sa heneral, madali namang masala ang mga lehitimong mensahe sa mga nanloloko dahil may mga tauhan ang Task Force Magsino na magmo-monitor sa nasabing Facebook account.

Ipinahayag rin ni Cerbo na padadalhan na rin ng sulat ng PNP ang lahat ng pulitiko at personalidad na nabanggit ng biktima sa kanyang huling post sa social media.

Sa kasalukuyan, may P200,000 reward sa sino mang makapagtuturo sa pumaslang kay Magsino na mula kay Sen. Ralph Recto at Batangas 4th district representative Mark Mendoza.(Lea Ilagan/UNTV News Correspondent)

Tags: , , , , , ,

Facebook users sa Pilipinas, maaari pa ring makapag-live selling – Meta

by Radyo La Verdad | August 10, 2022 (Wednesday) | 17014

METRO MANILA – Nilinaw ng social media giant na Meta, na maaari pa ring makapag-live selling sa Facebook ang mga FB user sa Pilipinas.

Ang klaripikasyon, ay kasunod ng anunsyo ng kumpanya na simula sa October 1, ay tatanggalin na nila, ang ‘live shopping’ feature sa Facebook.

Pero ayon sa Meta, ang ‘live shopping’ tool sa ay hindi available sa Pilipinas kundi sa mga piling bansa lamang.

Dahil dito maaari pa ring makapag-live selling ang mga FB users sa Pilipinas sa pamamagitan ng facebook live.

Tags: , ,

QAnon, pinagbawalan na ng Facebook sa kanilang plataporma

by Radyo La Verdad | October 8, 2020 (Thursday) | 20170

METRO MANILA – Sinimulan nang alisin ng Facebook ang mga accounts at groups ng conspiracy theory movement na QAnon, sa lahat ng plataporma nito.

Noong August 19, inanunsyo ng Facebook  sa blog post nito na sila na mismo ang gagawa ng aksyon sa pagaalis ng mga grupo at account na nanghihikayat ng karahasan tulad ng QAnon.

“We are starting to enforce this updated policy today and are removing content accordingly, but this work will take time and need to continue in the coming days and weeks. Our Dangerous Organizations Operations team will continue to enforce this policy and proactively detect content for removal instead of relying on user reports.” – Facebook, An Update to How We Address Movements and Organizations Tied to Violence, October 6,2020.

Nakapagalis na ang Facebook ng mahigit 1,500 na pages at groups ng QAnon na nanghihikayat ng karahasan sa mga contents nito.

Ayon pa sa Facebook, nagkakalat ng mali at delikadong impormasyon ang grupo.

Ang QAnon ay isang conspiracy theory movement na nagsasabing mayroong sikretong organisasyon ang Trump Administration laban sa grupo ng mga pedopilyang nagsasagawa ng child-sex trafficking ring.

Sa kasalukuyan, wala pang napapatunayan sa mga teorya na ito.

(Ariel Lyn Aranas | La Verdad Correspondent)

Tags: ,

More News