Hindi itinanggi ni Justice Secretary Vitaliano Aguirre ang sinabi ni Retired Police Arthur Lascañas na naging abogado siya noon ni Bienvenido Laud, ang may-ari ng quarry site kung saan umano inilibing ang mga biktima ng Davao Death Squad.
Ngunit ayon sa kalihim, hindi na dapat paniwalaan ang mga sinasabi ni Lascañas dahil wala namang napatunayan sa alegasyon nang imbestigahan ito ng Department of Justice at Commission on Human Rights sa pangunguna ng dati nitong pinuno at ngayo’y senador na si Leila de Lima.
Katunayan, wala aniyang isinampang demanda noon ang CHR.
Iginiit rin ni Sec. Aguirre na dati nang ginawang libingan ng mga guerilla ang lugar noong panahon ng Hapon kaya hindi nakapagtatakang may mahukay na mga buto doon.
Sa panig naman ng administrasyon, sinabi ni Chief Presidential Legal Counsel Atty. Salvador Panelo na imbento lang ang testimonya ni Lascañas sa Senado hinggil sa Davao Death Squad.
Gaya aniya nang ipinunto ni Senador Panfilo Lacson sa pagdinig, kontradiksyon ang mga pahayag ni Lascañas noong February 20 press conference at sa sinumpaan nitong salaysay isang araw bago ang kaniyang public confession.
Pinabulaanan din ni Atty. Panelo ang pahayag ni Lascañas na ipinag-utos ni Pangulong Duterte ang pagpatay sa isang ginang at isang bata.
Aniya, kinapopootan ng pangulo ang extra-judicial killing at naniniwala siyang hindi kukunsintihin ng pamahalaan ang sinumang gagawa ng ganitong krimen.
(Rosalie Coz / UNTV Correspondent)
Tags: hayop, Laud quarry, mga nahukay, SOJ Aguirre, tao
Inilikas ng City Veterinary Office ang 23 baka, 3 kabayo at ilang mga alagang aso katuwang ang Carabao Center of the Philippines mula sa Barangay Balele, Gonzales at Wawa kahapon (Jan. 21, 2020).
Ang mga hayop ay dinala at pansamantala inilagak sa auction market slaughter house sa Barangay 4, Tanauan City.
Dito maaring bisitahin at pakainin ng mga may-ari ang kanilang mga alagang hayop habang patuloy ang pag aalburoto ng Bulkang Taal.
Bukod sa paglikas sa mga hayop, pinapakain at binibigyan ng bitamina ng grupo ang mga hayop na kanilang nakikita sa kalsada gaya ng mga aso.
“Ang kautusan ng atin Mayora i-evacuate lahat ng animal but tingin ko hindi lahat ng farmer ay willing mag-evacuate since logistics na lamang at pahirapan,” ani Dr. Bryan Pamplona, Chief Animal Division, Tanauan.
Pero aminado ang lokal na pamahalaan ng Tanauan na hindi nila kayang i-relocate ang lahat ng hayop sa lugar dahil sa dami nito.
“Pahirapang itransport ‘yun, nakakaranas kami tatranport kami ng baka inaabot kami ng kalahating araw para sa 20 heads na baka,” ayon kay Dr. Aries Garcia, City Veterinary.
Apat na araw ng iniikot ng City Veterinary office ang bayan ng Tanauan at itutuloy ito para mailikas ang mga alagang hayop ng mga residente.
Samantala ibinebenta na ng 25 pesos per kilo ang mga baboy sa Tanauan dahil hindi na alam ng mga hog raiser kung paano pa nila maalagaan ang mga ito.
Nasa dalawangpung mga alagang baboy ang ibinenta ng isang kooperatiba sa munisipyo ng Tanauan para iluto nalang at ipakain nalang sa mga evacuee.
Tiniyak nanaman ng City Veterinaty Office na ligtas itong kainin.
Ayon sa ilang hog raiser, mabuti umanong mapakinabangan ito ng mga residente kaysa mamatay nalang sa gutom ang mga ito kapag naiwan sa mga lugar na isinailalim sa total lockdown ng pamahalaan.
(Mirasol Abogadil)
Tags: Batangas, hayop, Taal, Taal eruption 2020, Tanuan Batangas
Dumipensa si dating Department of Justice Secretary Vitaliano Aguirre II kaugnay ng pagkakadawit ng kaniyang pangalan sa ilang maanomalyang transaksyon umano sa kagawaran na nadiskubre ng Commission on Audit (COA).
Sa inilabas na pahayag ng dating kalihim, sinabi nito na wala siyang partisipasyon sa mga transakyon na binabanggit sa annual report ng COA na inilabas noong nakaraang Biyernes.
Isa na rito ang umano’y pag-“park” o paglilipat ng pera ng pamahalaan at released salaries na nagkakahalaga ng 621 milyong piso sa hindi otorisadong bank accounts ng walang supporting documents noong siya pa ang kalihim ng kagawaran.
Ayon sa batas, dapat na ibalik sa National Treasury ang anomang pondo ng pamahalaan na hindi nagamit.
Ngunit paliwanag ng dating kalihim, inilipat umano ang pondo upang matiyak na maire-release on time ang sweldo ng kanilang mga tauhan.
Dagdag pa ni Aguirre, na sa last quarter noong nakaraang taon, matapos na nabayaran ang lahat ng financial obligations ng kagawaran ay ibinalik na ang natirang pondo sa National Treasury.
Ayon umano sa ilang opisyal ng DOJ, magcocomply umano ang mga ito sa rekomendasyon ng COA at ititigil na ang ganitong uri ng practice.
Tinuligsa naman ni Aguirre ang ilang lumabas na news report na napunta sa ilang benepisyaryo ang pondo.
Layon lamang umano ng COA na tawagin ang pansin ng kagawaran at humihingi ng kopya ng kanilang payroll register.
( Mai Bermudez / UNTV Correspondent )
Tags: COA, DOJ, SOJ Aguirre
Kung si Justice Sec. Vitaliano Aguirre ang tatanungin, malaking bagay ang naging salaysay ng kanilang testigo sa pagdinig ng Kamara kahapon.
Makakatulong aniya ito sa inihahandang kaso laban kay Senador Leila de Lima.
Pangunahin na rito ang testimonya ng high-profile inmate na si Engelberto Durano na personal umanong nag-abot ng 1.5 million pesos na drug money kay dating Justice Sec. de Lima.
Malaki rin aniya ang maitutulong ng naging salaysay sa pagdinig ni dating BuCor Director Franklin Bucayu na umaming may basbas ni De Lima ang hindi pagsasama sa CIDG sa Bilibid raid noong 2014.
Samantala, ipapalagay naman ng doj sa immigration look out bulletin ang dating driver ni Sen. De Lima na si Ronnie Dayan.
May mosyon na rin upang patawan ng contempt si Dayan dahil sa hindi nito pagdalo sa imbestigasyon;
At kapag nabigo siyang magpaliwanag hanggang ngayong araw, posibleng ipaaresto na siya ng Kamara.
(Roderic Mendoza / UNTV Correspondent)
Tags: malaki ang maitutulong sa inihahandang kaso laban kay De Lima, Salaysay ng mga testigo sa pagdinig ng Kamara kahapon, SOJ Aguirre
