Naghain ng lawsuit laban sa Sony/ATV Music Publishing nitong nakaraang Miyerkules si Paul McCartney para maibalik sa kanya ang karapatan ng ilang Beatles songs kabilang na ang Yesterday at I Want to Hold Your Hand na nilikha niya kasama si John Lennon.

Ang Sony/ATV ay binuo ng yumaong pop star na si Michael Jackson noong taong 1995, sampung taon matapos niyang mabili sa halagang $41.5 million ang ATV catalog na naglalaman ng mga kanta ng Beatles.

Subalit taong 2016 nang kunin ng Sony ang bong control sa Sony/ATV matapos ibenta ng kampo ni Jackson ang 50% ng stake nito sa halagang $750 million.

Kahit na nasa pagmamay-ari ng Sony ang karapatan, naniniwala si McCartney na may karapatan siya na makuha ang ownership sa mga kanta batay sa 1976 Copyright Act.

Batay sa nasabing batas, may karapatan si McCartney na makuha ang ownership sa mga kanta kabilang na ang mga isinulat bago, habang at makalipas ang taong 1978, mga naisulat makalipas ang 56 taon at mga kanta na may tatlumpu’t limang taon.

“Sony/ATV has the highest respect for Sir Paul McCartney with whom we have enjoyed a long and mutually rewarding relationship with respect to the treasured Lennon & McCartney song catalog. We have collaborated closely with both Sir Paul and the late John Lennon’s Estate for decades to protect, preserve and promote the catalog’s long-term value,” ito ang naging pahayag ng Sony/ATV Music Publishing spokesperson.

( Rachelle Bien / Student Reporter )

Tags: paul mccartney, sony