Isang special elections ang nakatakdang isagawa ng Commission on Elections sa isang barangay sa Cordova, Cebu ngayong Sabado.

Ito ay matapos hindi nakaboto ang mahigit sa apat na raang botante sa barangay Gabi dahil mali ang balota na naipadala roon sa araw ng halalan.

Ayon kay COMELEC Regional Director-7 Jose Nick Mendros, ngayon araw pa darating ang mga balota na gagamitin ngayong Sabado.

Samantala, kahapon naman ay dumating na ang consolidation and canvassing system para sa Santander at Malabuyoc kaya naisagawa na ang canvassing sa municipal level.

Kapag naitransmit na ito sa provincial level ay maaari nang malaman kung may maipo-proklama nang panalo sa pagitan nina incumbent governor Hilario DavideIII at Winston Garcia sa gubernatorial race.

(Gladys Toabi/UNTV NEWS)

Tags: Special elections