Sinimulan na ngayong araw ng Commission on Elections (Comelec) ang special satellite registration sa Bangsamoro Organic Law plebiscite areas.
Siyam na special registration teams mula sa Comelec main office ang magsasagawa ng satellite registrations sa labinganim na venue sa Lanao Del Sur, Maguindanao, Basilan, Sulu, Tawi-Tawi, Lanao Del Norte at North Cotabato.
Ang special registration ay tatagal hanggang sa Huwebes, ika-13 ng Setyembre. Bukod pa ito sa ongoing registration na isinasagawa ng mga election officer sa plebiscite areas.
Ang mga nakapagparehistro naman noong May 14 barangay and SK elections at para sa may 13, 2019 national and local elections ay hindi na kailangang magparehistro.
Nakatakda sa ika-21 ng Enero 2019 ang plebisito sa buong probinsiya ng Lanao Del Norte maliban sa Iligan City at lahat ng barangay sa anim na munisipalidad ng North Cotabato upang ratipikahan ang Republic Act 11054 o ang Bangsamoro Organic Law.
Tags: Bangsamoro Organic Law, Bangsamoro plebiscite, COMELEC
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
