Inihirit ng ilang poultry raisers na bawasan na ang suggested retail price sa kada kilo ng manok sa mga pamilihan.
Ayon sa grupong SINAG o Samahang Industriya ng Agrikultura at United Broiler Raisers Association, mababa na ang farm gate price sa buhay na manok na naglalaro na lamang mula P42 to P52.
Pero ang grupo ng Hog Raisers, mas gustong ipako na lamang sa P185 ang SRP sa kada kilo ng karneng baboy dahil hindi naman umano malaki ang kanilang patong sa farm gate price na umaabot sa P113 to P115.
Umapela rin sila sa pamahalaan na bantayan ang presyuhan ng karne kasabay ng pakiusap sa publiko na huwag tangkilikin ang imported meat products upang huwag mamatay ang local meat industry.
Bukod sa karne, isa rin sa dapat bantayan ngayon ang presyo ng tinapay at asukal.
Noong nakaraang buwan, sinabi ng Department of Trade and Industry na bababa ng 25 hanggang 50 centavos ang presyo ng pinoy tasty at pan de sal dahil sa incoming supply ng mas murang turkish flour.
Pero ayon sa Bakers Group, hindi nila maibaba ang presyo dahil mahal pa rin ang kuha nila sa harina sa merkado na umaabot sa P850 hanggang P900 kada sako.
Inaalala rin nila ang iba pang sangkap ng tinapay gaya ng asukal na tumataas rin ang halaga kapag tag-init dahil sa malaking demand nito.
Tags: poultry raisers, Samahang Industriya ng Agrikultura, United Broiler Raisers Association
Dumadaing ngayon ang mga poultry raisers sa Bulacan dahil bumagsak na ang kanilang kita sa negosyo matapos ang Avian flu scare.
Gaya nalang ni Mang Tommy Cruz na tatlumpu’t limang taon ng nag-aalaga ng itik at supplier ng itlog. Hindi pa nakababawi ng puhunan ay malaking porsyento na ng kita nila ang nawala dahil sa matumal na benta.
Dahil sa epekto ng Avian flu virus, problema nila sa ngayon kung papaano mabebenta ito. Pakiusap naman ng mga poultry raisers, huwag ng patagalin ito lalo na’t hindi apektado ng Avian flu ang Bulacan.
Kundi sa halip bigyan na sila ng certificate na pwede na silang magtinda ng itlog sa Visayas at Mindanao.
(Nestor Torres / UNTV Correspondent)
Tags: avian flu virus, Bulacan, poultry raisers
Ibinunyag ng Samahang Industriya ng Agrikultura o SINAG na hindi lamang sa bigas kundi maging ang smuggling sa karne ang talamak sa bansa.
Ayon sa SINAG mas tumaas ang meat smuggling sa Aquino government kumpara sa nakaraang administrasyon.
Mula 2010 hanggang 2014 sa administrasyon ni Pangulong Aquino umabot nasa 202,936 metriko tonelada o may market value na 35.51 billion pesos.
Hanggang nito namang June 2015 pumalo sa 32 thousand metric tons o may market value na 5.6 bilion pesos.
Kumpara ito sa umano’y nangyaring meat smuggling sa ilalim ng Arroyo administration mula 2005 hanggang 2009 na may 106,092 metric tons o 18.56 billion market value.
Pinahaharap bukas sa Senado sina Comm. Alberto Lina ng Bureau of Customs, USec. Jose Reano ng Department of Agriculture at ASec. Minda Manantan ang Asst. Director ng National Meat Inspection Service.
Haharap din sa hearing ang iba pang sanghay ng pamahalaan at meat importers and traders association
Ayon kay Senador Gregorio Honasan II na miyembro ng Senate Committee on Agriculture and Food in aid of Legislation ang ipinatawag na hearing.
Ayon naman kay Senador Cynthia Villar na Chairperson ng komite, pirma na lang ni Pangulong Benigno Aquino III ang hinihintay ng mga agricultural bills upang maisabatas.
Dagdag ni Villar, sa ilalim ng Senate Bill No. 2923 o ang Anti Large-Scale Agricultural Smuggling Act, ang halaga ng smuggled agricultural product upang maging economic sabotage ay hindi bababa sa P10 million para sa bigas at P1 million o higit pa sa mga produktong pang agrikultura gaya ng asukal, mais, baboy, manok, bawang, sibuyas, carrot, isda at ang tinatawag na cruciferous vegetables.
Makukulong ng habambuhay at pagmumultahin ng dalawang ulit na halaga ng smuggled agricultural product at ng aggregate amount ng buwis, duties at iba pang charges, ang mga lalabag dito.
Ayon naman kay Honasan malaki ang epekto kung hindi masosolusyunan ng pamahalaan ang rice at meat smuggling sa bansa.
(Bryan de Paz/UNTV NEWS)
Tags: meat smuggling, Samahang Industriya ng Agrikultura, Senador Cynthia Villar
Lalo pang lumala ang pagpupuslit ng bigas sa ilalim ng Aquino administration.
Ito ay batay sa United Nations Comtrade Report na inilabas ng Samahang Industriya ng Agrikultura o SINAG.
Ang UN Comtrade database ay isang international trade statistics ukol import at export ng mga commodities.
Nakasaad rito na noong 2005 hanggang 2009 ay nasa mahigit isang milyong metriko tonelada ang volume ng smuggled na bigas
Ngunit naabot ito sa mahigit dalawang milyong metriko tonelada sa Aquino administration mula 2010 hanggang 2014
Depensa ng National Food Authority, mismong ang Bureau of Customs na ang nagsabing mababa ang datos ng rice smuggling sa mga taong 2015 at 2016
Isa namang solusyong nakikita ng komite sa problemang ito ay huwag nang bigyan ng import permit ang private sector na tinutulan naman ng NFA.
Isusulong naman ng Chairperson ng Senate Committee on Agriculture and Food Senador Cynthia Villar sa susunod na kongreso ang government to government procurement ng bigas upang maiwasan ang anomalya.
Nahayag rin sa pagdinig na wala pa ring naihahaing kaso ang Department of Justice laban sa rice trader na si David Bangayan.
Ito na ang huling pagdinig ng senado sa isyu ng smuggling at magkakaroon na ng rekomendasyon ang komite
Ipinauubaya na ng senado sa DOJ ang pagsasampa ng kaukulang kaso sa mga smuggler.
Umaasa naman si Senador Villar na kapag nilagdaan na ni Pangulong Aquino ang agricultural bills, matutulungan nito ang nasa mahigit labing isang milyong magsasaka at mangingisda at agad ding mapananagot ang mga smuggler ng agricultural product.
(Bryan de Paz/UNTV News)
Tags: rice smuggling, Samahang Industriya ng Agrikultura, Senate Committee on Agriculture and Food Senador Cynthia Villar
