Inilabas na ang Department of Trade and Industry (DTI) ng listahan ng suggested retail price (SRP) ng mga school supplies.

Ayon sa DTI, ito’y upang maiwasan na mananamantala ang mga negosyante sa presyo ng mga ito.

Sakop ng inilabas na SRP ang mga composition notebooks, writing notebooks, spiral notebooks, pad papers mula Grade 1-4, intermediate papers, krayola, lapis, ballpens, pambura at mga pantasa.

Nakasaad sa SRP na inilabas ng DTI na ang isang 80-pahinang kuwaderno (notebook) ay dapat nagkakahalaga lamang mula P11- P31, habang ang kahon ng walong pirasong krayola ay mula P8.75- P21.75 depende sa brand, habang ang mga ballpen ay mula P4-P31.75 kada piraso.

Nanawagan naman ang DTI sa publiko na ireklamo sa kanilang tanggapan ang mga abusadong mga tindero.

(UNTV RADIO)