Bubuksan hanggang Sabado sa buong buwan ng Setyembre ang mga sangay ng Social Security System o SSS.

Ayon kay Presidential Spokesperson Sec. Ernesto Abella, isandaan at siyam na s-s-s branches ang bubuksan sa publiko upang tumanggap ng loan restructuring program application.

Sa ilalim ng programa, tatanggalin na ang penalty at tanging principal amount at interest na lang ang babayaran ng mga miyembrong may hindi nababayarang calamity o salary loan.

Sakop nito ang delinquent SSS members na may kinuhang loan noon pang dekada nubenta at calamity loans mula 2009 hanggang 2016 basta nakatira sa mga lugar na sinalanta ng kalamidad, pati na ang mga may kinuhang short term loans.

Ayon kay Sec. Abella, ang anunsyo ay bahagi ng selebrasyon ng anibersaryo ng SSS.

Tags: bukas hanggang Sabado ngayong Setyembre, loan restructuring program applications, SSS branches