Photo credit: cnn.com

Inilunsad ngayong weekend ng Facebook ang stand-alone app nito na “Events” na makatutulong sa user na mai-set ang schedules nito base sa mga nakatakdang events sa kanyang paligid.

Gamit ang app, malalaman ng user ang mga event na malapit sa kaniyang lugar, gayundin ang mga event na nais puntahan ng kanyang Facebook friends, o mga inanunsyong events ng mga FB page na ni-like nito.

Kung hindi sigurado kung saan nito gustong pumunta, maaaring i-check ng user ang recommendations ng Events app batay sa oras, location at kaniyang interes.

Pwede ring i-sync ang app sa phone calendar ng user para sa mas madaling pag-aayos ng schedule.

Available na ang app sa mga iPhone user sa US at inaasahang ilalabas sa Android sa malapit na hinaharap.

Tags: Facebook, Stand-alone app na "Events" na makatutulong sa pagseset ng schedules ng user