Matapos ang mabungang peace talks sa Oslo, Norway ang pakikipag-usap naman sa Moro Islamic Liberation Front o MILF ang aasikasuhin ni Presidential Adviser on the Peace Process Secretary Jesus Dureza.
Mula Norway ay bumiyahe na si Dureza patungong Davao City para sa dalawang araw na strategic meeting sa MILF.
Pinuri naman ni Pangulong Rodrigo Duterte ang naging kooperasyon ng MILF at Moro National Liberation Front sa pamahalaan para sa isinusulong na pangmatagalang kapayapaan sa Mindanao.
Nauna ng nagpulong ang MILF at pamahalaan sa Kuala Lumpur, Malaysia noong August 13 at tinalakay ang pagpapatupad sa kasunduan sa ilalim ng Comprehensive Agreement on the Bangsamoro o CAB.
