Sa June 11 kasabay ng sine die adjournment ng Senado at Kamara sisimulan naman ang pagbalangkas ng Substitute bill sa draft Bangsamoro Basic Law.
Ngayong araw pormal ng tinapos ng Senate Committee on Local Government ang pagdinig sa BBL.
Ayon kay Senador Ferdinand Marcos Jr. Chairman ng Committee on Local Government bibigyan ng kopya ang bawat senador para sa proposals sa draft BBL.
Ito’y upang mapag-aralan ng husto bago ang pagbabalik sesyon sa July 27.
Sinabi ni Marcos sa pagbuo ng substitute bill kailangang maresolba ang iba’t-ibang isyu ukol sa constitutionality, gayun rin ang usaping administratibo tulad ng power-sharing ng National Government at Bangsamoro Regional Government.
Reresolbahin rin ang ilang problema sa probisyon sa taxation at hatian sa pambansang yaman.
Kanina ay binigyan ng pagkakataon ang mga stakeholder na ibigay ang kanilang mga panig at puna sa Proposed Bangsamoro Entity. (Bryan de Paz/UNTV News)
Iba’t-iba ang reaksyon ng ilang running mate ng mga presidential candidate sa debate sa lungsod ng Cebu.
Ayon kay Senador Ferdinand Marcos Jr, bitin ang nasabing diskusyon dahil wala si presidential candidate Miriam Santiago.
Ikinalulungkot ng Senador ang kalagayan ng kanyang running mate dahil sa karamdaman nito.
Subalit umaasa si Marcos na makababawi ito sa susunod na debate sa Abril.
May pahayag naman si Senador Alan Peter Cayetano ukol sa pagtatangka ni Vice President Jejomar Binay na baguhin ang rules ng debate.
Ayon kay Cayetano malinaw na na gagawin ng bise presidente ang lahat upang iwasan ang mga alegasyon ng korapsyon sa kanya at sa kanyang anak na si Junjun.
Sinabi naman ni Senador Gregorio Honasan II tumatakbong bise president ni Binay na isusulong ng kanyang running mate ang Peoples Ownership of Government Information o POGI Bill na mas kilala bilang Freedom Of Information Bill.
I-aangat umano nila ang transparency at accountability.
Nagpapasalamat naman ang kampo ni dating DILG Secretary Mar Roxas sa pagsuporta at pakikilahok ng sambayanang Pilipino sa katatapos na debate.
Ayon sa Daang Matuwid Coalition napakagandang pagkakataon ito na maging bahagi ang lahat sa diskusyon kung saan pupunta ang ating bansa sa susunod na anim na taon.
(Bryan de Paz/UNTV NEWS)
Marami ang pagbabago sa magiging bersyon ng Senado kumpara sa orihinal na bersyon ng panukalang Bangsamoro Basic Law ,mula sa Malakanyang..
Ito ang muling ipinahayag ni Senador Ferdinand Marcos Jr, Chairman ng Senate Committee on Local Government
Ayon sa senador halos 50% ng proposed BBL ay mababago kapag inilabas na nila ang binabalangkas na Substitute Bill.
Ito ay sa dahilang nais nilang masiguro na hindi na ito makukuwestiyon pa ng Korte Suprema.
Sinabi ni Senator Marcos, magmumula sa 19 na miyembro ng kanyang komite ang inputs para sa Substitute Bill.
Kasama rin sa irereconcile ay ang mga report mula naman sa Senate Committee on Peace Unification and Reconciliaition at Committee on Constitutional Amendment and Revision of Codes.
Gayunpaman, ang Committee on Local Government ang magsasagawa ng final report ukol sa proposed BBL.
Hindi sasama si Senador Serge Osmeña the Third kung makikipagdayalogo ang mga Senador kay Pangulong Benigno Aquino the Third ukol sa Proposed Bangsamoro Basic Law.
Ayon sa Senador, naging leksyon na sa kanya nang maakusahan sila noon na na-impluwensiyahan ng Malacanang upang i-impeach si dating Chief Justice Renato Corona.
Giit pa ni Osmenia, mahirap na mapag dudahan ng taongbayan ang kanilang desisyon kung bobotong pabor o hindi sa BBL
Dagdag pa ng Senador, maselan ang panukalang batas kaya dapat ding maingat sa pagpapasa nito lalo’t kapakanan ng bansa ang pinag-uusapan.
Ayon naman kay Senador Ferdinand Marcos Jr., Chairman ng Committee on Local Government, pag-uusapan pa nila kung makikipag dayalogo sila kay Pangulong Aquino.(Bryan de Paz/UNTV News)
Tags: dating Chief Justice Renato Corona, Pangulong Benigno Aquino the Third, Senador Ferdinand Marcos Jr, Senador Serge Osmeña the Third
