Hindi pa rin idinedeklarang fire-out ang sunog sa Liquefied Petroelum Gas o LPG storage facility ng South Pacific Incorporated sa Calaca, Batangas.
Nagsimulang sumiklab ang apoy sa lpg plant noong Sabado ng hapon.
Ayon pa kay Calaca Mayor Sofronio Ona, mananatiling nasa ilalim ng state of emergency ang bayan ng Calaca hangga’t hindi pa naidedeklarang fireout ang sunog sa LPG plant.
Mula sa apat na tangke, isang tangke na lamang ngayon sa LPG depot ang mayroon pa ring apoy.
Samantala, naiinip na rin ang karamihang sa mga evacuee na makabalik sa kani-kanilang mga tahanan dahil hanggang ngayon ay hindi pa rin sila pinapayagang makauwi ng mga otoridad.
