Umabot na sa kabuuang 91.5 million doses ng Covid 19 vaccines ang dumating sa bansa. Ayon kay vaccine czar Carlito Galvez, Jr., bago matapos ang Oktubre ay lalagpas na ito sa 100 million doses ng bakuna, dahil dito, hindi na aniya problema ngayon ang suplay ng Covid-19 vaccines.
“Right now supply is not now an issue we have more than 38 million doses in our warehouse,” ani Sec. Carlito Galvez, Jr., Vaccine czar and Chief Implementer, NTF vs Covid-19.
Aabot na rin sa 80 percent ng populasyon sa National Capital Region ang fully vaccinated na.
“We are confident that most if not all cities in the country will be hit or even surpass the target before Christmas,” pahayag naman ni Pres. Rodrigo Duterte.
Patuloy naman na nagpapaalala si Pangulong Rodrigo Duterte sa mga namimili pa rin ngayon ng bakuna.
“Sinasabi ko sa iyo kung hindi totoo yung mga bakuna na sa Sinovac pati Sinopharm ito yung unang nagdating, eh di marami ng patay,” ani Pres. Duterte.
Ayon kay Secretary Galvez, bago matapos ang taon ay posibleng simulan na ang pagbabakuna ng 3rd dose ng Covid-19 vaccines sa mga health care workers at vulnerable sector.
“Nagbigay na po ng inclination ang WHO na yung ating vaccination for 3rd dosage, considering na magla-lapse na po ang ating immunity, maybe we want start by November or early December,” dagdag ni Sec. Carlito Galvez.
Ayon pa sa vaccine czar, may ibinigay na suhestiyon ang mga nasa private sector ukol sa pagbibigay ng insentibo sa mga bakunado para mas marami pang mahikayat na magpabakuna.
Una, papayagan ang mga kumpanya na huwag i-hire ang mga hindi bakunadong aplikante, gagastusan ng mismong hindi bakunadong empleyado ang kanilang RT-PCR test, mandatory ang bakuna sa health care workers, school employees, public transport workers, civil servants at benepisyaryo ng 4P’s at kailangan ikaw ay bakunado kung ikaw ay magta-travel, pupunta sa restaurant, tourism establishment at sasakay sa pampublikong transportasyon.
“Ibig sabihin kapag na-vaccinate po, sila lang ang pwedeng lumabas, sila yung pwedeng mag-dine in, pwedeng magtravel at walang restrictions,” ani Galvez.
Ang naturang mga suhestiyon ay pinag-aaralan pa ng Inter Agency Task Force on Emerging Infectious Diseases.
Nel Maribojoc | UNTV News
Tags: Covid-19 Vaccines, President Rodrigo Duterte, VACCINE CZAR CARLITO GALVEZ
METRO MANILA –Aprubado ng 75% ng 1,500 rehistradong botante ang pagganap sa tungkulin ni Pangulong Rodrigo Duterte sa loob ng nakalipas na 6 na taon.
Batay ito sa isinagawang survey ng Publicus Asia Incorporated mula June 16-22, 2022.
10% lamang ang hindi sang-ayon, 69% naman ang nananatili ang pagtitiwala sa presidente habang 11% lamang ang hindi kumpyansa sa outgoing chief executive.
Ayon sa Executive Director ng Publicus na si Atty. Aureli Sinsuat, ipinakikita sa mga numerong aalis si Pangulong Duterte bilang pinaka-popular na presidente sa Post Edsa 1 era.
Dagdag pa nito, walang ibang presidenteng naglingkod sa ilalim ng 1987 constitution ang tinapos ang termino na may majority approval at trust ratings o supermajority ng public support. Ganito rin ang posisyon ng palasyo.
Kaya naman pagtanaw ng utang na loob sa sambayanang Pilipino ang tugon nito sa mataas na approval at trust rating.
Kaalinsabay ang panawagang ipagpatuloy ang pagkakaisa tungo sa pagkakaroon ng mapayapa, maunlad at maipagmamalaking bansa.
Sa Huwebes (June 30), inaasahang tuluyan nitong lilisanin ang Malacañang bago ang nakatakdang panunumpa sa pwesto ng hahalili sa kaniya sa pwesto na si President-elect Bongbong Marcos Junior.
(Rosalie Coz | UNTV News)
Hindi pa kinukumpirma ng Department of Health ang pahayag ni Presidential Adviser for Entrepreneurship Joey Concepcion na mayroong 27 million Covid-19 vaccine doses ang mage-expire na sa Hulyo. Ngunit paliwanag ni DOH Undersecretary at Chairperson ng Natioal Vaccination Operations Center Myrna Cabotaje, bumaba rin kasi ang bilang ng mga nagpapabakuna kaya marami ang hindi pa nagamit.
Ang mga tinutukoy na Covid-19 vaccines ay dumating sa bansa bago matapos ang 2021 at nitong Enero 2022.
Ayon pa kay USEC. Cabotaje, habang hindi pa nasisira ang mga bakuna ay magagamit ito sa mga bakuna center.
Target ng DOH na gawing available lahat ng Covid-19 vaccine sa mga bakuna center para sa mga walk-in.
Nitong Pebrero nakipag-ugnayan din ang DOH sa mga vaccine manufacturer na kung maaaari ay mapalawig ang shelf life ng Covid-19 vaccines na idenedeliver sa Pilipinas. Katunayan may ilang supply ng astrazeneca Covid-19 vaccines ang inextend ang shelf life ng talong buwan at aprubado ito ng Food and Drug Administraton.
“Iyong astrazeneca at iba pang bakuna nag-request tayo na ma- extend ang shelf life. Iyong iba ay kasalukyang pinag-aaralan, iyong iba ay binigyan ng extension na 3 months shelf life, iyong iba hindi na pwede,” ayon kay USEC. Myrna Cabotaje, DOH, Chairperson, National Vaccination Operations Center.
Dagdag pa ng Health Official, plano naman talagang i-donate sa mga bansang nangangailangan nito, kasalukuyan pang tinatalakay ang proposal ng donasyon sa pagitan ng Department of Foreign Affairs para sa mga potential recipients ng mga sobrang Covid-19 vaccines.
“Pinag-uusapan pa iyan ng FDA at mga concerned na mga bansa. Iyong mga dinonate sa atin we are also coordinating with the covax kung pwedeng ire-deploy, kung hindi na, iyong mga hindi pa magbabakuna idi-distribute pa rin natin sa buong bansa,” ani DOH USEC. Myrna Cabotaje.
Tinyak naman ni USEC Cabotaje na ang mga expired na talaga, hindi ginagamit at talagang sinusunog para hindi ito magamit o maibenta ninoman.
Samantala, itutuloy ng pamahalaan ang pagsasagawa ng special vaccination days sa mga rehiyong mababa ang vaccination rate pagkatapos ng long holiday nitong Abril.
Isa rito ang Bangsamoro Autonomous Region in Muslim Mindanao (BARMM) na may 27% pa lang na fully vaccination rate.
Aiko Miguel | UNTV News
Tags: Covid-19 Vaccines, DOH
METRO MANILA – Ipinahayag ni Presidential Adviser for Entrepreneurship Joey Concepcion na mayroong nasa 27 million na COVID-19 vaccines ang nakatakdang mag- expire sa July at posibleng masayang lang.
Pero ayon naman kay Department of Health (DOH) Undersecretary at National Vaccination Operations Center (NVOC) Chairperson Myrna Cabotaje, ang mga tinutukoy na bakuna ay dumating sa bansa bago matapos ang taong 2021 at nitong buwan ng Enero.
Ngunit ang problema, karamihan ng mga supply ng bakuna ay may short expiry o malapit nang mag- expire
Bumaba ang vaccination rate sa bansa noong bumaba rin ang COVID-19 cases at mga hindi pa nakakapagpa- booster kaya maraming hindi nagamit na COVID-19 vacines.
Iniimbentaryo ng DOH kung ilan pa ang naka- stock na bakuna sa mga storage sa bansa.
Tinyak naman ni Usec Cabotaje na ang mga expired na talaga ay hindi na ginagamit o magagamit pa.
Samantala, plano ng pamahalaan na mag- hire at magpadala ng social mobilizers sa mga rehiyong mababa ang vaccination coverage sa susunod na linggo.
Kabilang dito ang Bangsamoro Autonomous Region in Muslim Mindanao na may 27% lang na fully vaccination rate.
Sa pinakahuling datos ng DOH, 67 million na mg Pilipino na ang fully vaccinated sa bansa.
(Aiko Miguel | UNTV News)
Tags: Covid-19 Vaccines
