Nagsagawa ng survey ang Pulse Asia nitong Hulyo sa nasa 1,200 tao sa buong bansa kaugnay sa nakaraang May 9 elections.
92% ang nagsasabing mabilis nailabas ang resulta, 93% naman ang nagsabing ito ay naging maayos, 95% ang nagsabing wala silang nakitang insidente ng karahasan at 89% ang naniniwalang katiwatiwala ang resulta ng halalan.
83% ang nagsabing walang nangyaring dayaan sa kanilang lugar.
22% naman sa mga respondent ang nagsabing inalok sila ng pera o ng materyal na bagay kapalit ng kanilang boto.
Sa datos na ito, 74% o tatlo sa bawat apat na inalok ang nagsabing tinanggap nila ito.
Malaking porsyento sa mga tumanggap ay nagsabing hindi nila matanggihan ang libreng regalo habang ang iba ay nagsabing kailangan nila ng pera, ayaw nilang ipahiya ang nag-aalok o di kaya ay pagkakataon na nila ito upang makakuha ng pakinabang mula sa mga mayayaman at makapangyarihan.
Subalit sa mga umaming tumanggap sila ng pera, 18% lang ang nagsabing ibinoto nila ang kandidato o mga kandidatong nagbigay nito, 28% naman ang hindi ibinoto yung kandidatong namili ng boto habang 49% ay nagsabing hindi ibinoto ang lahat ng mga sangkot sa vote buying.
Subalit para sa COMELEC hindi pa rin katanggap tanggap na katwiran na tanggapin ang pera ngunit iba ang binoto.
Ayon sa COMELEC ang pagpapaigting pa rin sa voters education ang nakikita nilang paraan upang labanan ang vote buying.
(Victor Cosare/UNTV Radio)
Tags: 2016 eleksyon, May 9, Pulse Asia
METRO MANILA, Philippnes – Muling nanguna sa pinakabagong senatorial survey ng Pulse Asia sina Re-Electionist Senators Cynthia Villar at Grace Poe.
Samantala, pasok naman sa No.3-9 na rank sina Lito Lapid, Pia Cayetano, Bong Go, Sonny Angara, Bong Revilla Jr., Bato Dela Rosa at Nancy Binay.
Nasa no.10-16 na pwesto naman sina Koko Pimentel, Imee Marcos, Jinggoy Estrada, Bam Aquino at napunta naman sa No.14-18 sina Serge Osmeña, Mar Roxas, Francis Tolentino, at Juan Ponce Enrile.
Isinagawa ang survey noong April 10-14 sa may 1,800 na tao. Batay din sa naturang survey, nasa 35% lang ng mga botante ang boboto ng 12 kandidato sa pagkasenador.
Tags: Cynthia Villar, Grace Poe, Pulse Asia, Senatorial survey
Nasa top 5 ng pinaka-latest na Pulse Asia Survey ang limang kababaihang tatakbong senador sa 2019 senatorial elections.
Nangunguna sa survey si Senador Grace Poe na may voter preference na 70.1%, second to third si Senator Cynthia Villar na may 57.7%, 2nd to fourth place si Taguig City Representative Pia Cayetano na may 54.4%, third to fourth place si Senator Nancy Binay na may 50.6% at nasa fifth to sixth place si Davao City Mayor Sara Duterte-Carpio na may 39.5%.
Pasok rin sa pre-election survey sina Senator Juan Edgardo Angara, dating Senador Jinggoy Estrada, Ilocos Norte Governor Imee Marcos, Senator Aquilino Pimentel, former Senator Lito Lapid at Sergio Osmeña III.
Habang nasa 11th hanggang 17th place naman ang posisyon sina former Interior Secretary Manuel Roxas II, ang aktor na si Robin Padilla, ang brodkaster na si Ramon Tulfo, BuCor Chief Ronald Bato Dela Rosa at Senator JV Ejercito.
Kabilang rin sa survey ang iba pang opposition senatoriables na si Agot Isidro, dating Congressman Erin Tañada, Magdalo Representative Gary Alejano, ang singer na si Jim Paredes at iba pa.
Samantala, hindi pasok sa top 12 ang ilan sa mga posibleng senatoriable ng PDP Laban gaya nina SAP Bong Go, Presidential Political Adviser Francis Tolentino, Presidential Spokesperson Harry Roque, aktor na si Monsour Del Rosario at iba pa.
Samantala, ikinalungot naman ni Senator JV Ejercito ang resulta ng survey at sinabing apektado siya nang hindi paggamit ng apelyidong Estrada.
Aniya, nakaapekto ito dahil mas kilala ng mga tao ang apelyidong Estrada kaysa sa Ejercito.
Ikinatuwa naman ni Senator Nancy Binay ang resulta ng survey.
Nanawagan naman si Presidential Spokesperson Harry Roque na isaalang-alang ang qualifications ng mga tatakbo sa 2019 national elections.
Ang survey ay ginawa sa buong bansa sa halos dalawang libong mga registered voters na may edad labing walong taong gulang pataas.
( Mon Jocson / UNTV Correspondent )
Iprinisenta ng mga miyembro ng consultative committee (Concom) sa Senado kahapon ang disenyo ng federal-presidential form of government na kanilang binalangkas sa loob ng halos 5 buwan.
At sa pagdinig, sinagot din ng Concom ang pinakahuling Pulse Asia survey na nagsasabing higit kalahati ng mga Pilipino ang hindi pabor sa charter change.
Ayon kay Concom Spokesperson Ding Generoso, time bound ang survey dahil sagot lamang umano ito ng taumbayan sa panahon kung kailan mismong tinanong ang survey.
Sa porma ng gobyerno na isinusulong ng Concom, magkakaroon ng pagbabago sa komposisyon at termino ng mga opisyal ng pamahalaan. Mananatili ang posisyon ng Presidente at bise presidente pero magiging apat na taon na lamang ang kanilang termino.
Magmumula sa isang partido ang mahahalal na Pangulo at pangalawang pangulo at maari naman silang tumakbo para sa reelection.
Mula naman sa kasalukuyang 24 ay magiging 36 na ang mga senador; tig dalawa mula sa 18 federated regions.
Ang mga rehiyon ay pamumunuan ng regional governor, deputy regional governor na kapwa may 4 year-term at entitled sa isang reelection. Ihahalal sila ng Regional Legislative Assembly.
Magkakaroon naman ng 240 kinatawan mula sa legislative districts at 160 kinatawan mula sa political party, ito ang bubuo sa 400 miyembro ng Kamara.
At imbes na isang makapangyarihang Supreme Court, hahatiin ito sa 4 na federal courts na may kani-kaniyang function.
Ang mga federated regions naman ay bibigyan ng kapangyarihang magbuwis at pangasiwaan ang sarili nilang pondo.
Nababahala naman ang ilang miyembro ng academe sa pagrerepaso at maging sa planong paglipat ng bansa sa pederalismo.
Ayon naman kay retired Chief Justice Hilario Davide, ito’y isang mapanganib na eksperimento at pagtalon sa kamatayan.
( Mai Bermudez / UNTV Correspondent )
Tags: ConCom, pederalismo, Pulse Asia
