Posibleng inupahan ng mga kalaban sa pulitika ni Sapa-Sapa, Tawi-Tawi Vice Mayor Alrashid Mohammad Alih si PO3 Mohammad Lacbao Tolete ang pumatay sa kanya.

Ayon kay PNP Chief PDG Oscar Albayalde, plano ng vice mayor na tumakbong alkalde sa susunod na halalan.

Nakatalaga si PO3 Tolete sa Lamitan City Police Station at residente ng Brgy. Mercedes, Zamboanga City. Ngunit matapos ang insidente ay nag-awol na ito sa serbisyo.

Ang asawa mismo ng bise alkalde ang tumukoy sa pagkakakilanlan ng suspek base sa mga pictures at video.

Tinitingnan na ng PNP ang anggulong  miyembro ng gun for hire si PO3 Tolete.

Si PO3 Tolete ay sinampahan na ng kasong murder at pinaghahanap na ngayon ng mga otoridad.

Si Vice Mayor ay tinambangan at napatay noong ika-11 ng Hulyo sa Zamboanga City.

( Lea Ylagan / UNTV Correspondent )

Tags: Tawi- Tawi, Vice Mayor Alrashid Mohammad Alih, Zamboanga city