METRO MANILA – Mahigit sa 30,000 pulis ang boboto sa 3 araw na local absentee voting sa Philippine National Police (PNP).
Ayon kay PNP Spokesperson PCol. Jean Fajardoo, 3,248 dito ay mula sa national headquarters sa kampo crame habang 26,813 ang mula sa mga police regional offices.
Pagkatapos aniya ng local absentee voting ng PNP ay ide-deploy na nila ang mga ito sa mga lugar kung saan sila magbabantay para sa seguridad ng halalan sa Mayo.
Kinumpirma din ni PNP Chief PGen. Dionardo Carlos na nasa 40,000 pulis ang kanilang ipapakalat para sa seguridad ng eleksyon.
Kaugnay nito tiniyak naman ang pamunuan ng PNP na all system go na ang kanilang seguridad para sa halalan.
Sa ngayon aniya ay monitoring na lamang sa mga nangyayari sa ground ang kanilang ginagawa para mapanatili ang payapang eleksyon sa Mayo.
(Lea Ylagan | UNTV News)
Tags: Election
METRO MANILA – Nais ng Commission on Elections (COMELEC) na maipatupad na ang internet overseas voting sa susunod na national and local elections sa taong 2025.
Ayon kay Comelec Chairman George Erwin Garcia, kinakailangan na nilang magkaroon ng ganitong klase ng technological advancement para mabilis na makalap ang mga boto ng OFWs.
Maglilikha rin aniya ito ng mas mataas na voter turnout dahil mas magiging madali na ang pagboto ng ating mga kababayan abroad.
Sa ngayon ay patuloy parin ang demonstration ng mga IT companies sa Comelec upang makita ang magiging takbo ng sistema ng bawat naturang kumpanya sa naturang online voting.
Tags: COMELEC, Election, OFWs, ONline Voting
METRO MANILA – Inilunsad ng Presidential Task Force on Media Security (PTFoMS) nitong Biyernes (January 21) ang “Media Security Vanguards” na binubuo ng 2,000 pulis na nakatalagang pangalagaan ang seguridad ng mga journalist sa panahon ng eleksyon.
Mariing ipinunto ni Department of the Interior and Local Government (DILG) Secretary Eduardo Año na may sagradong tungkulin ang media sa ating bansa na dapat magampanan ng walang halong pangamba, pagkatakot at karahasan mula sa kanino man.
Sa patuloy na mga naitatalang karahasan kaugnay sa nalalapit na halalan, tiniyak ni Año na ginagawa ng gobyerno ang lahat upang pangalagaan ang kalayaan sa pamamahayag.
Dagdag pa nito na ang mga journalist ang mata at tainga ng publiko sa panahon ng eleksyon kung kaya’t mahalaga na maproteksyonan ang mga ito upang hindi na muling maulit ang nangyaring Maguindanao Massacre noong 2009.
(Jasha Gamao | La Verdad Correspondent)
METRO MANILA – Nakatuon ang pansin ngayon ng Commission On Elections (COMELEC) sa mga dapat ihanda sa 2022 elections dahil naipagpaliban na ang Barangay at SK elections na dapat ay sa susunod na taon isasagawa.
Sasabay ito sa 2022 kung saan isasagawa rin ang National and Local Elections. Nguni’t tiniyak naman ni COMELEC Spokesman Dir James Jimenez na hindi ito magkakaroon ng conflict kahit magkasabay man ang 2 halalan sa 2022. Nangyari na aniya ito taong 2016 kaya naman hindi sila bagito pagdating sa ganoong preparasyon
“In fact dati mas madikit pa may iyong national elections tapos October iyong ARMM elections. So ngayon actually mas maluwag, December. Pangalawa iyong preparation sa December 2022 nagawa na natin ngayon because we were expecting the elections this year. So we’ve done everything. We’ve basically started procurement processes remember manual elections iyan also so it takes a little easier to prepare for”ani COMELEC Spokesman, Dir James Jimenez.
Aminado rin naman ang COMELEC Na may mga aberya nang nagdaang 2019 midterm polls. Kaya naman hindi aniya sila magiging kampante lang sa pagpili ng mga supplier ng mga gamit sa halalan kahit ito pa ang lowest bidder sa isasagawang procurement process
Ayon pa kay Dir Jimenez, kailangan nilang busisiin ang mga supplier upang matiyak na hindi na muling magka- aberya. Handa rin aniya ang comelec sa anomang plano upang maagapan ang anomang posibleng aberya sa halalan.
“At this point wala tayong mapipigilang kahit sino na mahg- participate sa bidding but certainly we hope that more players will cometo the fore. Napakahalaga ng kompetsiyon as you know and in this sa electoral system, mahalaga rin siyempre na may wide range of choice tayo” ani COMELEC Spokesman, Dir James Jimenez.
Maglalabas din aniya ang COMELEC ng schedule upang maging gabay ng mga interesadong kumandidato sa 2022 Barangay at National Elections. Tiwala naman ang Comelec na mas wais na ngayon ang publiko pagdating sa pagpili ng mga kandidatong kanilang iboboto sa mga darating na halalan sa bansa.
(Aiko Miguel | UNTV News)
