Tatlong hinihinalang holdaper sa Tondo Maynila nahuli ng mga otoridad

by Radyo La Verdad | January 20, 2016 (Wednesday) | 4159

BENEDICT_HOLDUP
Naaresto ng mga otoridad ang tatlong suspek sa panghoholdap sa makapatid na college student habang nakasakay sa pampasaherong jeep sa Road 10 Tondo Maynila kagabi.

Ayon sa mga biktima, silang magkapatid nalang ang sakay ng jeep ng sumakay sa bahagi ng Happy Land ng dalawa sa mga suspek at tinutukan sila ng patalim saka kinuha ang kanilang bag na naglalaman ng cellphone,tablet, perang pang tuition at pambayad ng renta sa bahay na aabot sa mahigit sampung libong piso.

Ayon naman sa mga tauhan ng barangay na nakahuli sa mga suspek, modus operandi ng grupo na mangholdap ang dalawa sa miyembro at ipapasa ang gamit na nakuha sa isang kasamahan para naman itago.

Hinuli din ang isa sa kanila matapos itinago at tabunan ng mga karton sa kanyang bahay ang isa sa mga suspek.

Pinaghahanap pa ng mga pulis ang isa pang suspek na agad na nakatakas.

(Benedict Galazan / UNTV Correspondent)

Tags: , ,