
Sa layuning makasabay sa mga Transport Network Vehicle Service, gagawin na ring online ang pagbobook ng mga taxi. Target ng Philippine National Taxi Operators Association na magamit na ang online booking application na MICAB para sa mga taxi sa susunod na buwan. Naipresenta na ng grupo sa LTFRB ang kanilang proposal subalit pinababalik pa sila uli ng ahensya.
Ayon sa LTFRB spokesperson Aileen Lizada nais nilang makita ang features ng sistema gaya ng pagbibigay ng discounts, paglalabas ng plane number, larawan gn driver, pamasahe at iba pa.
Samantala nauna nang nailunsad sa Ninoy Aquino International Airport ang online booking para sa Airport Shuttle Service. Maaring i-download sa google play store ang application ng Airpport Shuttle Service Incorporated o ASSI.
Bukod sa makikita ang impormasyon ng sasakyang susundo sa iyo agad ding makikita ang halaga ng babayaran depende sa layo ng pupuntahan.
(Asher Cadapan Jr. / UNTV Correspondent)
Tags: LTFRB, online booking app, taxi
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.