METRO MANILA – Nanatiling isa sa mga pinagkakatiwalaang ahensya ng gobyerno ang Technical Education and Skills Development Authority (TESDA) ayon sa resulta nang isinagawang survey ng PUBLiCUS Asia Incorporation.
Batay sa 2021 PAHAYAG Fourth Quarter Survey, pumangalawa ang TESDA sa most trusted government
agency na may 41.6% trust ratings at approval ratings na may 67.7%.
Matatandaang sa first at second quarter ng taon ay isa rin ang TESDA sa pinagkakatiwalaang ahensya ng gobyerno sa parehong trust ratings at approval ratings.
Isinagawa ang survey sa 1,500 respondents mula sa iba’t ibang panig ng bansa noong December 6-10, 2021.
Kilala ang TESDA bilang ahensya na nagbibigay ng libreng skills training program sa mga mamamayan ng bansa.
Sa kasalukuyan, mayroong 115 courses ang TESDA Online Program (TOP) bilang bahagi ng patuloy na isinasagawang pagpapalawig ng ahensya.
Nagpahayag naman ng pasasalamat si TESDA Secretary Isidro Lapeña sa patuloy na pagsuporta at pagtitiwala ng mga Pilipino sa ahensya.
(Kyle Nowel Ballad | La Verdad Correspondent)
Tags: TESDA
METRO MANILA – Pinirmahan na ni Pangulong Ferdinand Marcos Junior ang Republic Act 11984 o ang batas na nagbabawal sa no permit no exam policy sa mga eskwelahan.
Sa ilalim nito ang lahat ng public at private educational institutions ay inuutusan na i-accommodate at payagan ang mga estudyante na makapag-take ng periodical at final exams, kahit na hindi pa nakapagbayad ng tuition at iba pang bayarin. Hindi na rin kinakailangan na kumuha pa ng permit.
Bukod dito inaatasan din ang lahat ng municipal, city at provincial social welfare and development offices o regional offices ng DSWD, na mag-issue ng kinakailangang certificate para sa mga disadvantage students sakaling mayroong kalamidad, emergencies at iba pang kadahilan basta’t nakasaad sa Implementing Rules and Regulations (IRR) na babalangkasin ng DSWD.
Hindi naman inaalis ng batas ang karapatan ng mga eskwelahan na mag-require ng pagsusumite ng promissory note, at i-hold ang credentials ng mga estudyante, kung hindi pa rin sila nakapagbabayad ng tuition at iba pang bayarin.
Ang mga lalabag sa batas na ito ay maaaring patawan ng administrative sanctions alinsunod sa polisiya ng Department of Education at TESDA.
METRO MANILA – Pinulong ni Pangulong Ferdinand Marcos Junior ang Department of Education (DepEd), Technical Education and Skills Development Authority (TESDA) at iba pang ahensya na gumawa ng mga hakbang upang mapalakas ang curriculum ng Senior HigSchool para agad na makakuha ng trabaho.
Pinaplano na ngayon na maisama na sa curriculum sa Senior High School ang skills development partikular ang mga piling TechVoc skills na inaalok ng TESDA.
Ayon sa TESDA target ng Marcos government na solusyunan ang mababang antas ng mga estudyante na nakakapasok sa trabaho matapos makagraduate sa Senior High School.
Wala pang tiyak na petsa kung kailan ang implementasyon ng planong ito ngunit ayon sa TESDA nais ni Pangulong Marcos na agad itong maipatupad sa lalong madaling panahon.
METRO MANILA – Nag-aalok ang Technical Education and Skills Development Authority ng mga online courses sa pamamagitan ng TESDA online program mobile application.
Sa pamamagitan ng mobile app pwede ng idownload ang mga kurso na gustong aralin at mapanood kahit walang internet.
Ilan sa mga kursong ibinibigay ng TESDA ay Bread and Pastry production NC II, Cookery NC II, Food and Beverages NC II, at food processing NC II na maaaring ng ating mga kasangbahay para para kumita ngayong holiday season.
Sa ngayon, mayroon na ang TESDA ng 150 kurso na may kaugnayan sa agriculture, construction, automotive and land transport, human health o health care, tourism at iba pa.
Para sa mga gustong i-try ang Tech-voc training ng TESDA idownload lang ang TESDA online program mobile app sa google play store o di kaya ay sa app store.
Maliban sa mobile app, accessible din ang mga training course sa e-tesda.gov.ph.
Tags: mobile app, online, TESDA
