Tipid, mura at hindi madaling mapanis na pagkain ngayong tag-init

by Radyo La Verdad | April 12, 2019 (Friday) | 43111
Courtesy: melyskitchen.blogspot.com

MANILA, Philippines – Ngayong napakainit ng panahon, mas malaki ang posibilidad na mapanis ang ating mga pagkain. At dahil sa mahal rin ang mga bilihin ngayon, mas malaking gastos kung mapapanisan ka ng pagkain dahil kailangan mo na namang bumili o ‘di kaya’y magluto uli.

Narito ang ilan sa mga tips upang huwag madaling mapanis ang pagkain at the same time makamura o makapagtipid:

Una, mag-isip ng pagkain na tumatagal ng ilang araw gaya ng adobo, prito o paksiw.

Anumang hinahaluaan ng suka ay hindi madaling mapanis, kaya maganda itong lutuin ngayong mainit ang panahon.

Iwasan na rin ang paggamit ng kamatis dahil mas madaling mapanis ang ulam na hinaluan ng kamatis.

Sa paghahanda naman ng lulutuin, siguraduhing malinis ang gagamiting mga kasangkapan sa pagluluto at huwag kalimutang mag hugas ng kamay.

Lutuing mabuti ang pagkain at iwasan na ma-half cook ito, kapag naluto, palamigin kung hindi naman agad kakainin.

Tandaan na gumamit ng serving spoon, at malinis na mga sandok upang hindi agad mapanis ang pagkain.

Huwag agad ilalagay sa refrigirator ang bagong lutong pagkain dahil mag mo-moist ito at madaling mapapanis.

Kung ang inihandang pagkain ay patatagalin hanggang bukas, siguraduhing mailagay ito sa maayos na lalagyan.

Hindi na kailangang bumili ng mamahaling mga lalagyan, sigurado na kung hindi man lahat, karamihan sa mga nanay ay may koleksyon ng mga container ng ice cream, hugasan ito at tuyuing mabuti bago isalin ang nilutong ulam.

Para mas tumagal, ilagay sa refrigirator ang pinalamig na pagkain at initin na lamang kinabukasan kung kakainin.

Kung wala namang refrigirator, siguraduhin na mailagay ang pagkain sa malamig na lugar na hindi natatamaan ng sikat ng araw o init.

Mas makakatipid din kung gagawing baon ang natirang pagkain, samahan na rin siempre ng kanin.

Ngayong panahon na mainit ang panahon kasabay pa sa hirap ng buhay, walang ibang mabisang panlaban dito kundi ay ang masayang ngiti na likas na sa ating mga Pilipino.

(Mon Jocson | UNTV News)

Tags: , ,

Publiko, hinikayat na magtipid ng kuryente ngayong tag-init

by Radyo La Verdad | March 21, 2023 (Tuesday) | 5719

METRO MANILA – Tiniyak ng National Water Resources Board (NWRB) na sapat ang supply ng tubig sa bansa.

Ito ay sa gitna ng paparating na tag-init at nagbabadyang  El Niño.

Ayon sa NWRB kabilang sa kanilang paghahanda  ay ang pag-iimbak ng tubig at pagre-reactivate ng mga deep well.

Samantala hinikayat ng Presidential Communications Office (PCO) ang publiko na simulan na ang maayos at matipid na paggamit ng kuryente ngayong papalapit na ang panahon ng tag-init.

Ayon sa PCO, hindi lamang sa mga kabahayan dapat gawin ang pagtitipid ng kuryente kundi maging sa office o mga workplace.

Ilan sa ikinosiderang paraan ng pagtitipid sa mga opisina ng gobyerno ay ang  mas maagang pagbubukas sa mga tanggapan partikular ng alas-7 ng umaga hanggang alas-4 ng hapon at paglalagay sa 25 degrees ang temperatura ng mga air condition sa mga government offices.

Tags: ,

Pagsisimula ng tag-init, opisyal nang inanunsyo ng PAGASA ; hanggang 36-degrees na temperatura, posibleng maranasan

by Radyo La Verdad | March 17, 2022 (Thursday) | 41508

METRO MANILA – Opisyal nang nagsimula ang panahon ng tag-init sa bansa batay sa bagong anunsyo ng Philippine Atmospheric, Geophysical and Astronomical Services Administration (PAGASA).

Ibig sabihin nito, mawawala na ang northeast moonsoon o ang hanging amihan na nagdudulot ng mga pag-ulan.

Batay sa intitial pagtaya ng pagasa, maaaring umabot sa 35 hanggang 36 degrees Celsius ang init na mararamdaman sa bansa. Ngunit oobserbahan pa nila ang magiging lagay ng panahon dahil pwedeng makaranas ng mas mataas na temperatura ang ibang lugar.

Nagpaalala naman ang weather bureau sa publiko na magbaon ng mga pananggalang sa matinding sikat ng araw upang hindi magkasakit sa balat.

Pinapayuhan din ang mga residente sa Metro Manila na magtipid ng tubig dahil posible nang kapusin ang suplay kung patuloy na bababa ang lebel ng tubig sa angat dam.

Samantala, lumagda sa isang kasunduan ang Department of Science and Technology (DOST) at Department of the Interior and Local Government (DILG) para paigtingin pa ang disaster preparedness sa bansa.

Magtutulungan ang 2 ahensya para magsagawa ng mga seminar at convention sa barangay level para mapaghandaan ang posibleng pagtama ng mga sakuna.

Umaasa naman ang DILG na makakatulong nila ang mga barangay officials and employees sa proyektong ito.

Nagbabala din ang ahensya sa LGU officials na mananagot sakaling hindi sila agad tumugon kapag may sakuna sa kanilang nasasakupan.

(JP Nuñez | UNTV News)

Tags: ,

PAGASA: maalisangang panahon, mararanasan pa hanggang sa katapusan ng Mayo

by Erika Endraca | May 11, 2020 (Monday) | 14112

METRO MANILA -Pagtuntong ng Mayo ay sunod-sunod ang mas matataas na temperatura na naitatala ng Philippine Atmospheric, Geophysical and Astronomical Services Administration (PAGASA).

Ang pinakamataas na naitala sa taon ito ay sa Tuguegarao City noong may 4 na umabot sa 40’c.

Ilan pa sa matataas ding temperatura na naitala ay sa Calapan, Orriental Mindoro; San Jose City, Occidental Mindoro; CLSU Sa Muñoz, Nueva Ecija at sa Cotabato City sa Maguindanao.

Pero ang mas delikado ang ang mataas ng heat index o alinsangang nararamdaman sa katawan.

May mga lugar na lampas pa sa 50’c ang heat index gaya sa san jose city, Occidental Mindoro noong April 20 na umabot sa 58’c.

Sa ganito kataas na heat index, mas malaki ang posibilidad ng insidente ng heat stroke.

Ayon sa PAGASA, bumabalik ang singaw ng lupa dahil hindi makalusot sa maulap na papawirin.

“Whereas kung hindi siya cloudy yung init ng lupa derederetso lang palabras” ani DOST-PAGASA Weather specialist Sam Duran.

Ayon sa pagasa, hanggang sa katapusin pa ng mayo o posibleng umabot pa ng hundyo ang init ng panahon kung saan mas mahaba ang oras sa araw kesa sa gabi.

Nangangahulugan ito na mas maraming oras na naka-expose o nakabilad ang Pilipinas.

Payo ng mga experto, uminom ng sapat na dami ng tubig para mapalitan ang mga inilalabas na pawis ng katawan.

(Rey Pelayo | UNTV News)

Tags: ,

More News