Huli sa isinagawang buy bust operation ng Quezon City Station 7 kagabi ang isang hinihinalang drug pusher sa isang apartelle sa Barangay San Roque Cubao, Quezon City.
Nakunan pa ng mga otoridad ang aktuwal na abutan ng droga ng suspek at ng nagpanggap na buyer.
Pagkatapos ng transaksyon, agad na pinasok ng mga otoridad ang kwarto ng suspek na kinilalang si Kristofer Jay Gavino, 35 anyos, residente ng Sampaloc, Manila.
Ayon kay Police Senior Inspector Ramon Aquiatan, nilunok pa umano ng suspek ang mga droga kaya siyam na small heat sachet na lang ang natira.
Narekober din sa suspek ang 500 pisong buy bust money, isang cellphone at maging ang sasakyang ginagamit ng suspek.
Ayon pa sa otoridad, halos isang buwan palipat-lipat ng lugar ang suspek bago masakote sa apartelle.
( Gerry Galicia / UNTV Correspondent )
MANILA, Philippines – Binunyag muli ni Pangulong Rodrigo Duterte na may mga opisyal sa gobyerno na nanatiling may kaugnayan sa iligal na droga.
Sa kanyang pagdalo sa Valdai Forum sa Sochi City sa Russia noong Biyernes (October 4), sinabi ng Pangulo na may dalawa pang heneral na umano’y patuloy na nasasangkot sa transaksyon sa iligal na droga.
Subalit, tila nag-iba ang tono ng Pangulo dahil sa kanyang arrival speech sa Davao City Kahapon ng hapon (October6).
Paliwanag ng Pangulo kung bakit binago nya ang nauna nyang pahayag. Ayon naman sa PNP, nakahandang itong humarap sa anomang posibleng pagdinig o imbestigasyon na isasagawa para mabigyang linaw ang naturang isyu.
Sa kabila ng isinasagawang pagdinig sa Senado hinggil sa 2013 Pampanga Drug Raid, nilinaw ng PNP na wala pa itong nasasagap na impormasyon na dawit ang matataas na opisyal ng pulisya sa iligal na droga.
Tiniyak nito sa publiko na patuloy nitong paiigtingin ang kampanya kontra iligal na droga at internal cleansing program para iaalis sa serbisyo ang mga tiwalang pulis.
(April Cenedoza | UNTV News)
Tags: iligal na droga, PNP
Nais ni Pangulong Rodrigo Duterte na magkaroon ng matibay na ebidensya laban sa mga pulis na umanoý nagre-recycle ng mga nakukumpiskang iligal na droga. Pero aminado ang Pangulo na marami ang sangkot sa naturang iligal na kalakaran. Subalit hindi niya matanggal agad sa serbisyo ang mga ito dahil kailangan pang idaan sa due process.
Tiniyak ng Pangulo na kapag natapos na ang kaniyang termino ay nabawasan na ang problema ng bansa sa iligal na droga.
“Well, I have to have evidence. Kaya nga sabi ko, sundan na lang muna ninyo. ‘yan ang — hindi naman talagang outright. Pero ‘yung mahuli nila, for example 20 kilos, ang i-report na lang niyan 10 kilos. Tapos may award pa ‘yan sila. Tapos ‘yung iba i-recycle, ipagbili nila. Marami ‘yan. And it’s so prevalent. You know, you just cannot fire him, for due process, right to be heard, investigation. Talo talaga ang gobyerno sa totoo lang.” Sinabi ni Pangulong Rodrigo Duterte.
(Marisol Abogadil | UNTV News)
Tags: iligal na droga, Pang. Rodrigo Duterte, PNP
MANILA, Philippines – Nagpapasaklolo ang Transport Network Vehicle Service (TNVS) community kay Pangulong Rodrigo Duterte at Transportation Secretary Arthur Tugade tungkol sa umanoý pahirapang pagkuha ng prangkisa mula sa Land Transportation Franchising And Regulatory Board (LTFRB).
Giit ng grupo, taliwas anila iyon sa direktiba ng pangulo na pabilisin ang proseso sa mga transaksyon sa pamahalaan sa ilalim ng ease of doing business at efficient government service delivery act.
“Gustuhin man po namin na ayusin ang aming mga papeles para makapaghanapbuhay ng walang pangamba, ngunit ginigipit po kami ng ltrfb at sadyang pinahihirapan na makakuha ng pa at cpc” ani Tnvs Alliance Philippines President Aylene Paguio.
Pagdidiin ng grupo, libo-libong tnvs drivers ang nawalan ng kabuhayan matapos mapilitan ang grab philippines na i-deactivate ang 8,000 partners nito dahil sa deadline na ibinigay ng ltrb.
Kaya hiling nila na mabigyan ng amnestiya ang deactivated na tnvs drivers. Hinihiling din ng grupo na mabigyan ng beta test ang mga tnvs na hatchback gaya ng ginawa ng regulatory board sa angkas.
Bukod sa mahirap na requirements, naaantala rin umano ang hearings ng kanilang application dahil hindi tumutupad ang ltfrb sa binigay nitong schedule.
Ang isyung ito ay hindi lamang nangyayari sa Metro Manila, kundi sa Cebu, Bacolod At Pampanga. Sa ngayon ay hinihitay pa ang pahayag ni Ltfrb Chairman Martin Delgra III ukol sa isyu.
Samantala, wala namang balak ang grupo na magsagawa ng kilos protesta. Pag-uusapan na lamang umano nila sa mga susunod na araw ang mga legal na hakbang kaugnay ng kanilang hinaing.
(April Cenedoza | Untv News)
Tags: DOTr, LTFRB, TNVS driver
