Nasakote kagabi sa Kamuning, Quezon City ang isa sa itinuturing na number 1 most wanted criminal ng Quezon City Police Station 10.
Sa bisa ng warrant of arrest, inaresto ng mga tauhan ng QCPD Station 10 ang 54 anyos na si Edgardo Pandaan, alyas Sonny na nakatambay sa Scout De Guia.
Nahaharap ito sa kasong panggagahasa sa kanyang apat na taong gulang na apo at halos isang taong nagtago sa Davao, ngunit todo tanggi naman si pandaan sa akusasyon sa kanya.
Ayon kay Police Inspector Ceferino Gatchalian, ang hepe ng Special Operation Unit ng QCPD Station 10, natunton nila ang kinaroroonan ng suspek dahil na rin sa sumbong ng mga taga-barangay.
Sa ngayon, nakakulong na ang suspek sa Kamuning Police Station at hindi ito makakapagpiyansa.
( Reynante Ponte / UNTV Correspondent )
Tags: Edgardo Pandaan, Kamuning Police Station, QCPD Station 10
The Philippine Broadcast Hub
UNTV, 915 Barangay Philam, EDSA, Quezon City M.M. 1104
Radyo La Verdad © All Rights Reserved 2019
+632 8 442 6254 | Monday – Friday, 8AM – 5PM | info@radyolaverdad.com