Sa bisa ng warrant of arrest na inilabas ng Regional Trial Court Branch 14 naaresto na ng mga tauhan ng Manila Police District Station 1 ang top 8 at top 10 most wanted criminal sa istasyon.

Kinilala ang dalawang suspek na sina Marlon 38 anyos ika walo sa most wanted at Michael 30 anyos ika sampu naman sa most wanted na kapwa may kasong robbery holdap.

Ayon kay PSupt. Redentor Ulsano sa Road 10 sa Tondo ang kalimitang lugar ng operasyon ng dalawa.

Sa kuha ng cctv camera, hindi na nakapalag si Michael ng hulihin siya, samantalang nagtangka pa umanong tumakas si marlon ng makita ang mga pulis.

Aminado naman ang mga suspek na sangkot sila sa panghoholdap at madalas na biktima ay mga babae.

Ang pinakahuling biktimang babae ni Marlon ay natangayan niya ng nasa mahigit limampung kibo.

Habang mamahaling silver na kwintas naman ang nakuha ni Michael sa huli niyang biktima.

Dahil sa pagkakahuli sa dalawa sa most wanted ng Manila Police District Station 1 inaasahan ng mga otoridad na mababawasan ang mga kaso ng panghoholdap sa kanilang area of responsibility.

(Benedict Galazan / UNTV Correspondent)

Tags: most wanted criminal, MPD, Station 10, Top 8