Simula ika-1 ng Disyembre, maniningil na ng dagdag na bayad ang lokal na pamahalaan ng El Nido sa mga nais pumunta sa small at big lagoon.
Ayon kay El Nido-Taytay Protected Area Management Office Assistant Superintendent Carolyn Esmenda, ito ay isang paraan para malimitahan ang mga turistang pumapasok dito.
Pero ang mga tour operator ngayon palang ay nangangamba na dahil tiyak anilang maaapektuhan ang kanilang mga negosyo.
Paliwanag ni Esmenda, ang pera na makokolekta nila sa dagdag na bayad sa mga lagoon ay gagamitin ng lokal na pamahalaan sa pagha-hire ng mga marshall na magbabatay sa mga lagoon.
Sa ngayon daw, kulang na kulang sila sa tauhan kaya maging ang huling araw ng dry run sa small at big lagoon ay hindi naisagawa ng maayos.
Pinaalalahanan naman nito ang mga tour guide na sundin ang mga oras kung kailan sila dapat pumasok sa lagoon upang maiwasan ang sabay-sabay na pagdating ng mga turista doon.
Sa ngayon ay pinag-aaralan pa ng lokal na pamahalaan kung ano pang mga guidelines ang dapat maipatupad sa isla batay sa kanilang isinagawang dry run sa paglilimita sa mga turista.
( Grace Casin / UNTV Correspondent )
Tags: Disyembre, El Nido, small at big lagoon
MANILA, Philippines – Isasagawa ang pilot testing sa pagpapatupad ng Philippine Identification o ID System mula Setyembre hanggang Disyembre ngayong taon.
Isa ito sa mga napag-usapan sa cabinet meeting ni Pangulong Rodrigo Duterte nitong Lunes (Hunyo 10, 2019).
Ayon sa Palasyo, batay sa National Economic Development Authority (NEDA) at Philippine Statistics Authority (PSA), may partikular na bilang ng mga Pilipinong makakasama sa initial registration para sa pilot testing.
Nasa 107 million Filipinos naman ang target na maiparehistro para sa National ID system bago matapos ang termino ng Punong Ehekutibo sa taong 2022.
(Rosalie Coz | UNTV News)
Tags: Disyembre, National ID System, PSA, Setyembre
Hindi kumbinsido sina Department of Environment and Natural Resources (DENR) Sec. Roy Cimatu, Department of Tourism (DOT) Sec. Berna Romulo-Puyat at Department of the Interior and Local Government (DILG) Sec. Eduardo Año sa 3-meter easement zone policy na kasalukuyang ipinatutupad dito sa El Nido. Masyado pa rin umanong malapit ang mga establisimiyento sa dagat.
Sa mga unang panayam ng UNTV News kay El Nido Municipal Mayor Nieves Rosento, ito ang kanyang paliwanag kung bakit 3-meter easement policy ang kanilang ipinatutupad.
“Ito ang PD 1067 na if you are in urban areas, 3 meter easement from the highest water mark in 20 meters if you are not in urban areas.”- pahayag ni El Nido Mayor Nieves Rosento.
Anti-poor naman umano ang panukalang 20-m easement zone ayon kay Cottages, Resorts and Restaurants Association of El Nido President Henri Fernandez dahil marami ang mga establisimiyento na maaapektuhan.
Ipaglalaban aniya nila ang kanilang karapatan dahil may mga hawak silang titulo ng kanilang mga lupa kaya hindi sila maaaring paalisin.
Samantala, pinuntahan rin ng tatlong kalihim ang una nang naibalita ng UNTV News na kanal na umaagos diresto sa dagat sa Barangay Buena Suerte at dismayado si Sec. Cimatu sa kanyang nakita.
Sa lugar na ito sa Barangay Buena Suerte bumagsak sa water quality ang El Nido. Mula sa normal level na 100, ang lugar na ito ay may 1,300 fecal and coliform content. Maruming-marumi pa rin ang paligid, maraming lumot at may amoy ang tubig.
Nangako naman ang alkalde na agad itong gagawan ng aksyon.
Samantala, ipinag-utos din ni Sec. Cimatu na dapat 100 meters ang layo ng mga bangka sa pampang para magkaroon ng swimming area sa beach.
( Grace Casin / UNTV Correspondent )
Base sa disenyo at plano mula sa provincial government ng Palawan, ang itatayong sewage and solid waste treatment plant ng El Nido ay ikokonekta sa main pipeline lahat ng septic tank ng residential at business establishment sa lugar para kunin ang kanilang mga wastewater.
Didiretso naman ito sa labintatlong mga cluster collector tank na ilalagay sa iba’t-ibang lugar sa bayan at ito ay pagaganahin sa pamamagitan ng solar power.
Mula cluster tank ay didiretso ang mga waste water sa treatment plant, maraming prosesong pagdadaanan ang mga maruruming tubig para matiyak na muli itong mapakinabangan ng mga residente.
Ayon kay Mayor Nieves Rosento, 2017 pa ng simulan ng lokal na pamahalaan ng El Nido ang pagpapagawa ng kanilang sariling sewage and solid waste treatment plant. 240 milyong piso ang pondong inilaan sa proyekto na target na matapos sa 2019.
Pero duda si Cottages, Resorts and Restaurants Association of El Nido President Henri Fernandez na matatapos ito sa takdang petsa. Marami aniyang bahagi ng konstruksyon ang hanggang ngayon ay hindi pa halos nangangalahati.
Sa Barangay Buena Suerte, nahinto rin ang konstruksyon ng isa pang cluster collector tank dahil tumagilid ito habang ginagawa.
Pinuntahan ng UNTV News ang lugar kung saan itatayo ang sewage and solid waste treatment plant ng El Nido na halos limang kilometro ang layo sa mismong bayan. Kahit isang poste para sa mismong treatment plant ay wala pang naitatayo. Hindi pa rin napapatag ang lupa ng paglalagyan ng planta.
Ang mga pipeline ay nakatambak pa rin at hindi pa kumpletong naikakabit. Wala ring mga equipment gaya ng dump truck at backhoe para sa konstruskyon.
Base sa source ng UNTV, magtatatlong buwan nang nahinto ang kunstruksyon dito.
Aminado si El Nido Municipal Mayor Nieves Rosento na mabagal ang nagiging takbo ng konstrusyon ng kanilang treatment plant. Maging ang kanilang engenireeng office, duda rin na matatapos ito sa loob ng amin na buwan.
Kaya naman sa Lunes ay pagpapaliwanagin niya ang contractor. Tumanggi namang magbigay ng pahayag ang contructor kung bakit nakatengga ang konstruskyon ng treatment plant.
( Grace Casin / UNTV Correspondent )
Tags: El Nido, sewage and solid waste treatment plant, Stakeholders
