Bumuo na ang Rosario Police ng tracker team na tutugis sa limang preso na nakatakas mula sa kanilang custodial center noong Martes ng madaling araw. Ang grupo na ito ang magsasagawa ng mga checkpoint sa entry at exit points sa bayan ng Rosario upang matiyak na hindi makakalayo ang mga pugante.

Ayon sa Rosario Police, isa sa mga preso ang nangpanggap na may malubhang dinaramdam upang makatakas. Ang mga suspek ay pawang may mga kasong kaugnay ng iligal na droga.

Panawagan ng PNP, agad na ipagbigay alam sa kanilang tanggapan ang anomang impormasyon tungkol sa kinaroroonan ng mga tumakas na preso.

(Randy Forastero / UNTV Correspondent)

Tags: 5 preso na nakatakas, PNP, Rosario Cavite Custodial Center