Taliwas sa nakasanayang kulay dilaw na makikita tuwing ipinagdiriwang ang Edsa People Power Revolution, kulay asul, puti at pula ang nagbigay kulay sa ika-tatlumpu’t dalawang anibersaryo ng Edsa People Revolution kahapon sa People Power Monument.
Ayon sa National Historical Commission of the Philippines, sinadya nilang ibahin ang motiff ngayong taon. 2.5 million pesos ang inilaang budget ngayong taon ng pamahalaan para sa aniya’y simple ngunit makabuluhang pagdiriwang. Nanawagan rin ang NHCP na maging mapanuri sa fake news at huwag kalimutan ang diwa ng Edsa People Power.
Samantala, binigyan naman ng People’s Power Heroes Award si dating Pangulong Fidel V. Ramos dahil sa kontribusyon nya noong 1986 Edsa Revolution. Binigyang parangal rin ang security guard sa Davao City na si Melvin Gaa na namatay matapos ang pagliligtas sa marami sa nangyaring sunog sa isang mall sa Davao City noong Disyembre.
Ang mga pulis na sina Captain Michael Aristores dahil sa mahalagang ginampanan nya sa giyera sa Marawi at si PO3 Christopher Lalan, isa sa mga nakaligtas sa pagtugis sa terorsitang si Zulkifli Abdhir alyas Marwan na ikinasawi ng 44 na miyembro ng Special Action Force.
Samantala, hindi na nagtungo si Pangulong Rodrigo Duterte sa pagdiriwang ng ika-32 paggunita sa People Power Revolution at nanatili ito sa kaniyang hometown sa Davao City.
Subalit sa kaniyang mensahe, nanawagan ito ng ibayo pang pagsusulong ng demokrasya sa bansa sa pamamagitan ng pagpapalakas sa mga mamamayang Pilipino, pangangalaga sa karapatan at pagpapatatag sa mga institusyong nagtataguyod ng ating kalayaan.
Dagdag pa ng punong ehekutibo, ang rebolusyon ng Edsa ang nagsilbing sagisag ng paninindigang ipaglaban ang tama.
Ito ang ikalawang pagkakataon na ginunita ang People Power Revolution sa ilalim ng Duterte administration at ito rin ang ikalawang pagkakataon na hindi dumalo ang Pangulo sa anniversary celebration.
( Bernard Dadis / UNTV Correspondent )
Tags: 32nd Edsa People Power, duterte, EDSA
METRO MANILA – Pinag-aaralan ngayon ng Metropolitan Manila Development Authority (MMDA) ang
pag-alis ng bicycle lane sa Edsa.
Plano ng ahensiya na palitan na lamang ito ng motorcycle lane.Ayon kay MMDA Acting Chairman Atty. Romando Artes, ito ay dahil aabot lang naman sa 1,500 ang mga bisikletang dumaraan sa Edsa kada araw habang nasa 117,000 na motorsiklo ang gumagamit ng lansangan bawat araw.Sa ngayon ay wala pa naman aniyang deadline para sa pag-aaral ng MMDA at Department of Transportation (DOTr) para sa
motorcycle lane sa Edsa maging sa pag aalis ng bicycle lane.
METRO MANILA – As of November 10, 2022, nasa 398,000 na ang bilang ng mga sasakyan na araw-araw na bumabagtas sa kahabaan ng Edsa.
Ayon sa Metropolitan Manila Development Authority (MMDA), halos katumbas na ito ng pre-pandemic level na umaabot ng nasa higit 400,000.
At ngayong holiday season mas madadagdagan pa ito dahil sa inaasahang pagdagsa ng mga tao sa shopping malls pagsapit ng holiday rush.
Upang maibsan ang inaasahang matinding pagtukod ng traffic sa Edsa, nagpatupad na ng adjusted hours ang mga mall na may operating hours mula 11am hanggang 11pm.
Bukod dito, suspendido na rin ang excavation activity o paghuhukay sa Metro Manila hagggang sa January 6 upang hindi magdulot ng pagsikip ng trapiko ngayong holiday season.
Pero meron namang mga exception tulad na lang ng flagship program ng gobyerno na maaari pa ring ituloy ang construction.
Samantala nagpakalat na ang mmda ng ng mas maraming bilang ng mga traffic enforcer sa mga lugar na may matinding volume ng mga sasakyan.
(JP Nunez | UNTV News)
Tags: EDSA, holiday season, MMDA, traffic
Walang bayad ang dugong ibinibigay ng Philippine Red Cross. Ito ang pahayag ng humanitarian organization matapos kwestyunin ni Pangulong Rodrigo Duterte kung bakit may sinisingil ang PRC pag mag-aavail ng dugo gayong kinukuha ito sa pamamagitan ng blood donation drive mula sa mga volunteer.
“Mahilig kayong magpa-bloodletting. Isang batalyon na pulis, isang batalyon na army. Tapos ang mga tao dyan kung kailangan, bumili. Ang mahirap dyan o mayaman, gusto ng dugo sa Red Cross, nagbabayad! Eh saan naman yung mga dugo na kinuha mo dyan sa mga sundalo pati pulis pati sibilyan? I’m just trying to reconcile. Magbayad ka maski mahirap ka,” pahayag ni Pang. Rodrigo Duterte.
Sa isang pahayag, sinabi ng PRC na naayon sa polisiya ng DOH ang pangongolekta ng blood processing fee para ilaan sa mga serbisyo, at operasyon tulad ng donor recruitment, education, collection, blood testing, preparasyon ng blood products at iba pang proseso upang masiguro ang kaligtasan ng dugong isasalin.
Maaari ring mai-avail ito ng libre sa blood facilities ng Red Cross kung makapagpapakita ng certificate of indigency mula sa ospital kung saan naka-admit ang pasyente o mula sa PRC welfare services.
Dagdag pa nito, naglunsad din anila ang samahan ng blood samaritan program upang makalikom ng pondo para sa mga pasyenteng walang kakayahang bayaran ang blood processing fee.
Ang PRC ay pinamumunan ni Senator Richard Gordon, na chairman ng Senate Blue Ribbon Committee na dumidinig sa procurement ng medical supplies ng administrasyong Duterte noong nakalipas na taon.
Inaakusahan ni Pangulong Duterte ang senador na ginagamit ang PRC upang makakalap ng pondo para sa kaniyang political plans. Inatasan din nito si Solicitor General Jose Calida na sulatan ang Commission on Audit (COA) upang pormal na hilingin na busisiin ang financial records ng PRC.
Rosalie Coz | UNTV News and Rescue
Tags: DOH, duterte, Pangulong Duterte, Philippine Red Cross, Sen. Richard Gordon
