Naghain ng resolusyon ni Sen.Nancy Binay sa Senado para tignan ang naging anomalya sa pag-iisyu ng Philippine Hajj passports sa mga foreigner.
Ayon sa senadora, nagkakaroon ng risk sa seguridad ng bansa dahil sa banta ng terorismo.
Kamakailan lang ay pinagbawalan na ng Bureau of Immigration na lumabas ng Pilipinas ang 177 na Indonesian na nakapasok sa bansa dahil sa Philippine Hajj passports.
Ayon kay Binay, umabot sa 200 million ang naibayad ng mga indonesian para sa mabilis na pagproseso ng passport.
Dahil dito kailangan aniya na tingnan ng Senado ang pagkakadawit ng government officials and employees sa maituturing niyang kurapsyon sa BI.
Samantala, sinabi naman ni Department of Foreign Affairs Assistant Secretary Charles Jose, naturn-over na sa kanila ang mga nasabing passport.
Iniimbestigahan na rin nila ang naging anomalya at tinitignan ang posibleng kaso na maiisampa sa mga mapapanagot dito.
(Joyce Balancio / UNTV Correspondent)
Tags: nais paimbestigahan sa Senado, Umano’y P200-M Hajj passport scam
Naghain ng joint resolution si Sen. Leila de Lima at Sen. Antonio Trillanes IV sa Senado upang imbestigahan ang umano’y palpak na pamamalakad sa New Bilibid Prison.
Bunsod ito sa nangyaring riot kahapon sa building 14 kung saan namatay ang presong si Tony Co, at nasagutan naman ang ilan pang high profile inmate na sina Jaybee Sebastian, Peter Co at Vincent Lee.
Ayon sa dalawang senador, nais nilang tignan ang naging kakulangan ng Special Action Force o SAF sa pagmamando ng NBP.
Sa higpit ng seguridad sa NBP, dapat hindi na nakapapasok pa ang iligal na droga gaya ng shabu at ilang kontrabando.
Dumipensa naman si Sen. De Lima sa alegasyong may kinalaman siya sa nangyaring riot sa NBP.
Naniniwala rin si Sen. Panfilo Lacson na dapat maimbestigahan ang insidente.
Maliban sa nangyaring NBP riot, nais din nilang paimbestigahan sa Senado ang alegasyon noon ni Sen. De Lima na isinasailalim sa “overnight interrogation sessions” ang ilang mga preso upang piliting tumestigo laban sa senadora.
Dahil hapon na naihain ang resolusyon sa Senado kahapon, hindi pa ito naisama sa agenda ng plenary.
Inaasahan naman na susunod na linggo ay mairerekomenda ito sa tamang komite.
(Joyce Balancio / UNTV Correspondent)
Tags: nais paimbestigahan sa Senado, Nangyaring riot sa loob ng NBP
