Nagpasa ng resolution si Senador Antonio Trillanes the fourth na naglalayong imbestigahan ang umano’y pagtanggap ng malaking halaga ng dalawang Court of Appeals Associate Justices kapalit ng pagpabor sa pamilya Binay.
Nakapaloob sa resolusyon na imbestigahan ang mga umano’y “justice for sale” system sa C-A.
Nakatanggap umano ng mahigit 20 milyong piso sina Associate Justices Jose Reyes JR. at Francisco Acosta JR. kapalit ng paglalabas ng Temporary Restraining Order sa Suspension Order laban kay Makati Mayor Junjun Binay.
Sina Acosta at Reyes ay kabilang sa tatlong mahistradong humahawak ng kaso sa Suspension Order laban sa naturang alkalde.
Samantala, tumanggi naman ang senador na pangalanan ang kanyang source.
Nabigyan pa umano ng karagdagang tig-limang milyong piso ang mga ito matapos na mailabas na ang writ of preliminary injunction para pigilin ang suspension.
Sinasabing si Atty.Pancho Villaraza na kilalang supporter ni VP Jejomar Binay ang nag-facilitate ng transaksyon.
Sa ngayon ay pinagaaralan pa ng mga senador kung papaano uusad ang pagdinig. Umaasa din si Trillanes na mabibigyan ng Supreme Court ng hustisya ang naturang isyu.
Itinanggi naman ng Court of Appeals 6th Division Justices na tumanggap sila ng suhol mula sa kampo nila Makati City Mayor Junjun Binay kaugnay ng paglalabas nila ng Temporary Restraining Order sa Suspension Order na ipinataw ng Office of the Ombudsman laban sa aklade.
Sa pahayag ng mga mahistrado, sinabi nitong ang TRO at ang Preliminary Injunction ay base sa matikuloso at patas na interpretasyon ng korte sa batas at ebidensya na inahin ng bawat kampo.
Ang akusasyon na ito ay wala umanong basehan at maituturing na harassment sa mga mahistrado na nagsusulong ng interidad ng hudikatura sa pagpapatupad ng patas at makatarungang hustisya.
Samantala, sa isang statement pinaratangan ni Senador Nancy Binay na walang basehan at puro kasinungalingan lang lahat ng akusasyon ni Trillanes.
Ayon pa sa Senadora ang ginagawa ni Trillanes ay upang isulong ang kanyang ambisyon na makuha ang posisyon na kanyang nais sa 2016 elections kahit na masagasaan ang hudikatura at manira ng pamilya. ( Darlene Basingan/ UNTV News Worldwide )
Tags: Associate Justices Jose Reyes JR, Francisco Acosta JR, Senador Antonio Trillanes
Panibagong motion for issuance of Hold Departure Order (HDO) ang inihain ng Department of Justice (DOJ) sa iba pang korte laban kay Senador Antonio Trillanes IV.
Matatandaang ito’y matapos mabigo ang DOJ na pigilang makaalis ng bansa si Trillanes nang pansamantalang i-lift itong HDO ni Judge Elmo Alameda ng Makati RTC Branch 150 at makabiyahe sa Europa at Estados Unidos ang senador.
Sabi ni DOJ Secretary Menardo Guevarra, bukas ay nakatakdang magkaroon ng pagdinig sa Davao Regional Trial Court hinggil sa kasong libelo laban kay Trillanes.
Hindi tinukoy ni Guevarra kung saang spesipikong korte nila inihain itong panibagong mosyon na HDO, ngunit iginiit nitong wala itong koneksyon sa kasong rebelyon at kudeta ng senador.
Bukod dito, ipinarerepaso rin ng DOJ sa Makati Court ang desisyon nito na payagang makabiyahe si Trillanes.
Wala naman daw bagong argumento ang Justice Department hinggil sa naturang mosyon ngunit iginiit nito na ito ang standard operating procedure (SOP) at hindi nagkataon ang pag-file nito.
( Mai Bermudez / UNTV Correspondent )
Pinasalamatan ni Pangulong Rodrigo Duterte ang bansang Papua New Guinea sa magandang pakikitungo sa mga Pilipino sa bansa.
Ginawa ng Pangulo ang pahayag sa pagharap nito sa nasa isang libong miyembro ng Filipino community sa Port Moresby noong Biyernes ng gabi. Ito ang unang pagkakataon na dumalaw ang isang Philippine chief executive sa PNG.
Kaalinsabay nito, nangako si Pangulong Duterte ng ibayong tulong sa PNG sa sektor ng edukasyon at agrikultura.
Sa pagbisita ng Pangulo sa PNG, lumagda ito sa isang memorandum of agreement sa pagsusulong ng kooperasyon sa agrikultura ng dalawang bansa sa loob ng limang taon.
Samantala, sa harap ng Filipino community, inihayag naman ni Pangulong Duterte ang dahilan ng kaniyang hindi pagdalo sa apat na ASEAN Related Summits sa Singapore, kabilang na ang Asean-Australia informal breakfast.
Binatikos din nito ang Magdalo Party-List at inihalintulad sa teroristang Islamic State.
Muli ring inungkat ng Pangulo na kaya tatakbo ang kaniyang panganay na anak na si Paolo “Pulong” Duterte sa Kongreso dahil sa panghihiya sa kaniyang ng pangunahin nilang kritiko na si Senador Antonio Trillanes.
( Rosalie Coz / UNTV Correspondent )
Tags: Pangulong Duterte, Papua New Guinea, Senador Antonio Trillanes
Si Senador Grace Poe ang napili ng Magdalo Group na susuportahan sa 2016 presidential elections
Ito ang pahayag ni Senador Antonio Trillanes the fourth na una ng nagdeklarang tatakbo sa pagka-Vice President sa 2016
Ayon kay Trillanes nagsagawa na ng malawakang konsultasyon ang Magdalo Groups sa mga chapter leaders sa nakalipas na linggo at si Poe ang kanilang napili.
Sa kasalukuyan ay may mahigit 500 thousand card bearing member ang Magdalo Group.
Ipinagtanggol rin ni Trillanes ang mga nag-aakusa kay Poe na hindi ito natural born filipino.
Nagpapasalamat naman si Senador Grace Poe kay Trillanes at sa Magdalo Group
Ayon pa kay Poe saan man sila dalhin ng pagkakataon sa politika, siya ay kaisa nila sa simulain at dedikasyong magsilbi ng tapat sa bayan.
Bukas gugunitain ni Poe sa Manila North Cemetery ang ika-pitumput anim na taong kaarawan ng kanyang yumaong ama na si Fernando Poe Junior.
May reaksiyon rin si Senator Poe sa pagtatanggol sa kanyang ina na si Susan Roces.
May pahayag rin si Senador Vicente Sotto the third sakaling ipasya nina Senator Poe at Chiz Escudero na mag-tandem sa presidential elections sa susunod na taon.
Sa gitna naman ng isyu ng citizenship laban kay Poe, dinepensahan siya ng palasyo ng Malakanyang at sinabing mismong si DILG Secretary Mar Roxas ay naniniwalang siya ay filipino.
Bagamat may mga isyu na may ilang miyembro ng liberal party na umano’y nasa likod ng pambabatikos sa citizenship ni Poe, ayon kay Sec. Edwin Lacierda hindi reasonable na imbitahan siyang maging Vice Presidential bet kung sila ang nasa likod ng nasabing isyu.( Bryan de Paz/ UNTV News)
Tags: Magdalo Group, Senador Antonio Trillanes, Senador Grace Poe
