Taong 2009 nang unang inilabas ang disenyo ng e-passport sa bansa.

Matapos ang pitong taon, mayroon na itong bagong itsura at nakatakda itong ilabas ngayong linggo ng Dept. of Foreign Affairs.

Ayon kay DFA Spokesperson ASec Charles Jose, nagsimula na silang mag-imprenta nito noong Lunes, August 15 sa pakikipagtulungan ng kagawaran sa apo production office.

Ang iba-ibang disenyo na makikita sa bawa’t pahina ng bagong e-passport ay ilan sa mga tourist atrraction mula Luzon hanggang Mindnao nguni’t may nakapaloob na security feature ang bawa’t pahina. Hindi na basta-basta pa maaaring pekein o gayahin upang magamit sa panloloko.

Ang bagong electronic passport ay may taglay na state-of-the-art invisible ultraviolet fluorescent ink, thread at may nakalagay na microchip sa loob kung saan naka-store ang biometric data ng nagmamay-ari nito.

Ito ay maituturing na makabagong teknolohiya at nauna ang Pilipinas sa paggmit nito kumpara sa ibang bansa.

Nananatili paring P950 ang presyo ng regular passport at P1,200 naman para sa express service ng passports na makukuha sa loob ng 5 o 7 araw.

Nilinaw naman ni DFA ASec Charles Jose na hindi pa ipinapatupad ang pagpapalawig ng validity ng Philippine passport sa sampung taon dahil kailangan pang ma-amyendahan sa kongreso ang Philippine Passport Act of 1996.

(Aiko Miguel/UNTV Radio)

Tags: e-passport