Isang dekada nang nagbabahagi ng kanyang musika ang OPM balladeer na si Bugoy Drilon.
Bilang pasasalamat sa sampung taon niya sa industriya, isang concert ang kanyang handog sa lahat ng kanyang mga tagasuporta; ang One Day, One Decade concert.
Ayon kay Bugoy, isang challenge ang tumagal ng isang dekada sa music industry lalo na’t maraming mga magagaling na mang-aawit sa bansa.
Isa sa mga highlight ng career ni Bugoy ang makilala at makasama sa isang stage ang international artist na si Matisyahu. Napansin ng Reggae Superstar si Bugoy dahil sa performance ng Matisyahu original song na “One Day” sa WISH Bus.
Ang WISHclusive video ay mayroon nang halos 75 million views.
Malaki naman ang pasasalamat ni Bugoy sa WISH 107.5 na siya ring producer ng kanyang first major concert.
Ang One Day, One Decade concert ni Bugoy ay isasagawa sa Kia Theater sa ika-25 ng Setyembre.
( Leslie Longboen / UNTV Correspondent )
Tags: Bugoy Drilon, One Day, WISH bus
