Nanawagan ang Office of the Civil Defense (OCD) sa mga kaanak ng mga nasawi at nasagutan sa pananalasa ng Bagyong Yolanda na hindi pa nakakakuha ng tseke bilang tulong sa kanila ng pamahalaan na kunin na ito sa kanilang tanggapan.
2014 ng mag-umpisang tumanggap ng applications ang OCD para sa mga namatay at injured. Sampung libong piso ang matatanggap na tulong pinansyal ng mga namatayan habang limang libong piso naman sa mga sugatan.
Mula 2014 hanggang 2017 ay nakapamahagi na ang OCD ng tseke na nagkakahalaga ng 90,695 piso sa 13,432 claimants.
Ayon sa OCD, mayroon pang 127 na tseke na nagkakahalaga ng 770 libong piso ang hindi pa nakukuha.
Ayon kay Rayden Cabrigas, information officer ng OCD- Region 8, maaari silang makontak sa 0917-589 8044 o di kaya sa 523-1112 para sa mga requirements na dadalhin ng mga sa pag-claim ng tseke.
Tags: Office of the Civil Defense, unclaimed cheques, Yolanda claims
Manila, Philippines – Nanawagan sa publiko ang Office of The Civil Defense (OCD) at National Disaster Risk Reduction and Management Council (NDRRMC) na huwag maniwala sa mga kahinahinalang text messages.
Kaugnay ito sa kumakalat na text messages na may paparating umano na 8.0 magnitude na lindol.
Ayon sa OCD o NDRRMC hindi ito totoo at ang kanilang mga patnubay at babala ay ipinapadala sa pamamagitan ng account NDRRMC at hindi ng anomang numero.
Hinikayat rin nila ang publiko na huwag magpadala sa mga katulad na messages at iwasang mag like, share o i forward ang mga nasabing pekeng mensahe.
Gayunpaman dapat anilang maging alerto sa anumang banta ng sakuna o kalamidad. Para sa mga tamang impormasyon maaring bumisita sa website ng ndrrmc.gov.ph at sa facebook book page ng civil defense ph.
Tags: earthquake, National Disaster Risk Reduction and Management Council, Office of the Civil Defense
Pinaghahandaan na ng Office of the Civil Defense ang posibleng pag-iral ng La Niña phenomenon sa bansa.
Batay sa isinumiteng ulat ng PAGASA, sa anim na probinsiya sa Eastern Visayas, apat sa mga ito ang nahaharap sa banta ng kalamidad na dulot ng La Niña.
Ito ay ang Southern Leyte na prone sa landslides at ang Eastern at Northern Samar at Leyte areas na lantad naman sa mga pagbaha at pagguho ng lupa.
Ayon kay Civil Defense Regional Director Edgar Posadas, lakip ng kanilang paghahanda ang pagkakaroon ng disaster awareness at capacity building activities sa bawat probinsiya upang makamit ang target na zero casualty.
Natuto na rin ang mga residente sa pananalasa ng Bagyong Yolanda noong 2013 na sinundan ng Bagyong Ruby at Nona kaya hindi na mahirap ipatupad ang evacuation operations.
Kusa na rin silang sumasailalim sa disaster preparedness trainings o kaya’y lumalapit sa mga tanggapan ng OCD upang mag-request ng training workshop.
Kaya naman hinikayat rin ng Office of the Civil Defense ang publiko na makiisa sa mga isinasagawang quake at fire drills sa kanilang lugar.
(Jenelyn Gaquit / UNTV Correspondent)
Tags: Apat na probinsiya, eastern visayas, La Niña phenomenon, Office of the Civil Defense
