Mga taong hatid ay inspirasyon at may malaking kontribusyon sa lipunan, ito ang mga katangiang hanap ng RDH Entertainment Network para maging karapat-dapat sa titulong Outstanding Men and Women of the Philippines.

Ang mga UNTV Kasangbahay na sina Doc Joseph Lee at William Thio ay kabilang sa mga kinakitaan ng qualities na ito.

Kahanay ng ilang malalaking personalidad, tinanghal silang Outstanding Men sa bansa para sa taong 2018.

Si Doc Joseph ay isa sa mga nakakasama nating doktor sa Good Morning Kuya na walang sawang nagbibigay ng impormasyon at sumasagot sa mga tanong ng ating mga kasangbahay patungkol sa urology.

Habang si William ay nakilala sa kanyang tapat na paghahatid ng balita sa “Why News” at pag-feature ng mga kilala at inspiring na personalidad sa “Spotlight”.

Kinilala naman ng mga ito ang naging bahagi ng UNTV sa kanilang mga naging kontribusyon sa publiko.

Naniniwala ang RDH Entertainment Network na ang tunay na “Outstanding” ay ang mga taong may puso ng pagtulong sa kapwa.

( Leslie Longboen / UNTV Correspondent )

Tags: Doc Joseph Lee, UNTV, William Thio