Nanindigan ang Department Of Health (DOH) na ang droplet ng bodily fluids mula sa isang Covid-19 positive patient ang pinakapangunahing dahilan upang mahawa ng sakit ang isang tao.
Ginawa ng kagawaran ang pahayag upang pawiin ang pangamba ng ilan nating mga kababayan na posibleng bumilis ang transmission ng sakit ngayong panahon ng taglamig sa pamamagitan ng malalakas na hangin.
Sa ngayon, ayon sa mga eksperto ay walang ebidensya na nakakatulong ang panahon o klima man na lalong kumalat ang virus .
“Hindi siya airborne na kapag andiyan ang malakas na hangin dahil bigyay ng bagyo ay magkakaroon ng increased transmission although up to now wala pa pong ebidenysa na makakapagsabi that based on evidence the weather affects the transmission of the virus lie for example kung mainit namamatay ang virus kung malamig mas lalo ba sya nagpo- propagate.” ani DOH Spokesperson, Usec. Maria Rosario Vergeire.
Huwag rin anilang agad mabahala kung magkakaroon ng ubo at sipon– na kabilang sa sintomas ng Covid dahil hindi ito maiiwasan ngayong nasa flu season ang Pilipinas dahil malamig ang panahon.
Hindi ito nangangahulugan na mas madaling kapitan ng Covid-19 ang isang tao. Ngunit hindi rin naman ito dapat ipagwalang bahala.
“Kung sakaling merong isa sa household natin na may infection kaya ang patuloy naming paalala, iyong minimum health standards natin hindi porket (nasa bahay) hinid na tayo mag- mask hindi na tayo mag- physical distancing like for example you have asthma. Kapag may changes in weather itong mga taong may asthma, madali silag magkroon ng mga atake, mas vulernrable sila. Mas binabantayan” ani DOH Spokesperson, Usec. Maria Rosario Vergeire.
Nilinaw din ng doh na hindi dahil na may ubo at sipon ang isang tao ay kailangang sumailalim sa covid-19 testing
Nakasaad sa ipinatutupad na Covid-19 testing guidelines sa bansa na prayoridad pa ring isailalim sa testing ang mga may ipinakikitang sintomas at may exposure sa isang nag- positibo sa Covid-19
“Kapag Covid-19 hindi lang sintomas ang tinitignan natin. Kailangan natin isipin at tignan may exposure ba iyong tao para mas nagiging efficient tayo sa pagma- mamage natin ng mga kaso iyong likelihood na meron silang Covid-19 mababa dahil walang exposure.” ani DOH Spokesperson, Usec. Maria Rosario Vergeire.
Muling paalala ng DOH, palakasin ang resistensya laban sa anomang sakit lalo na ngayong may pandemya . Uminom ng vitamins, kumain ng wasto at masustansyang pagkain, mag- ehersisyo, huwag uminom ng alak at huwag manigarilyo Higit sa lahat huwag kalimutang manalangin sa Dios na mailayo sa sakit at maingatan ang bawa’t isa .
(Aiko Miguel | UNTV News)
Tags: Covid-19
METRO MANILA – Tiniyak ng Department of Health (DOH) na may pondo ang kagawaran para labanan ang bagong COVID-19 variants.
Taliwas ito sa ulat na wala umano itong nakalaang budget para makabili ng bakuna kung sakaling kailanganin sa bansa kaugnay ng bagong variants na KP.2 at KP.3 dahil may contingency fund ang ahensya.
Samantala, tiniyak naman ng DOH na hindi na mangyayari ang naranasan ng bansa nang manalasa ang COVID-19 pandemic noong 2020 hanggang 2022.
Hindi rin maituturing na mapanganib ang sitwasyon ng COVID-19 sa ngayon sa gitna ng bahagyang pagtaas ng kaso at banta ng bagong variants.
METRO MANILA – Nananatiling kumakalat at dahilan ng pagkamatay ng ilang indibidwal ang COVID-19.
Ayon sa World Health Organization (WHO), noong Disyembre ay nakapagtala ito ng mataas na bilang ng hawaan dahil sa mga pagtitipon noong holiday season, at sa JN.1 variant.
Sa panahong ito, aabot sa 10,000 ang bilang ng mga nasawi at tumaas din ang hospitalization at ICU admissions kumpara noong Nobyembre.
Tiniyak naman ng Department of Health (DOH) na patuloy silang magbabantay at nakaalerto sa banta ng COVID-19.
Ayon sa DOH, sa kasalukuyan ay mababa lamang ang mga kaso ng hawaan at namamatay sa bansa dahil sa virus.
METRO MANILA – Itinanggi ng Department of Health (DOH) ang kumakalat ngayon na pekeng impormasyon na nagsasabing mayroong panibagong COVID-19 wave sa Metro Manila.
Ayon kay Department of Health Asst. Secretary Albert Domingo, pababa na ang bilang ng mga nagpopositibo sa sakit batay sa datos ng ahensya.
Kahit umano sa mga ospital ay wala namang naoobserbahang labis na pagdami ng admissions.
Batay sa record ng DOH, mula December 26, 2023 hanggang January 1, 2024, mayroon lamang 3,147 new cases kung saan ang average number ng mga bagong kaso kada araw ay nasa 449, mababa ng 10% kung ikukumpara noong December 19 to 25, 2023.
At sa bilang na ito, 40 o katumbas lamang ng 1.28% ang nasa kritikal na kondisyon.
Nagbabala din ang kagawaran na magsasampa ng criminal charges sa sinomang sangkot sa pagpapakalat ng fake news kung magtutuluy-tuloy ito.
Ayon sa kagawaran, sa patuloy na pagbaba ng mga kaso, malaking bagay pa rin ang pagsunod at pagpili ng mga Pilipino sa “healthy behavior” gaya na lamang ng pagsusuot ng face mask kung kinakailangan at pananatili sa bahay kung may sakit.
