Ibinida ni US President Donald Trump ang kaniyang matagumpay na 12-day visits sa mga bansa sa Asia at Pilipinas. Binigyaang-diin nito na muling naibalik ang respeto sa Amerika ng mga bansa sa Asia.
Isa ito sa mga ipinagmalaki ni US President Donald Trump sa labindawalang araw na pagbisita sa ilang bansa sa Asya at Pilipinas.
Sa kaniyang talumpati sa white house, matagumpay umano ang pakikipagusap niya sa iba’t-ibang lider ng Asia at ASEAN member countries.
Ayon pa kay President Trump, nagbunga ito ng muling panunumbalik ng America sa paningin ng mundo bilang isang malakas at pinagkakatiwalaang bansa.
Isa rin umanong malaking accomplishment ang suportang nakuha niya para magkaisa ang mga bansa na kaniyang binisita para kontrahin ang mga probokasyon ng North Korea sa Korean Peninsula. Tinalakay nito ay ang isyu sa trade deficit at pagpapalakas ng kalakalan sa Indo-Pacific region.
Nangako rin si Trump na mas palalakasin at palalalimin pa ang matagal ng alyansa ng US at Pilipinas matapos ang ginawa nitong pagtulong sa krisis sa Marawi City.
( James Bontuyan / UNTV Correspondent )
Tags: 12-day visit, Asia at Pilipinas, US Pres. Donald Trump
