Nagkalat sa mga pampublikong lugar sa Grenoble, France ang mga vending machine na naglalabas ng mga maiikling kwento sa halip na mga inumin o pagkain.
Ang machine na gawa ng Publishing Start-Up na short edition ay may tatlong buton na maaaring pagpilian–ang 1-minute, 3-minute at 5-minute buttons.
Depende sa pipiliin ang haba ng kwento na ilalabas ng machine.
Layon nitong hikayatin ang mga tao na ibalik ang habit ng pagbabasa bilang past-time sa halip na gamitin ang maraming oras sa pagce-cellphone.
Suportado naman ng mayor ng Grenoble na si Eric Piolle ang inisyatibong ito at naniniwalang makakabuti ito para sa mga mamamayan.
Sa kasalukuyan, walong makina na ang naka-install sa siyudad.
Ang serbisyong ito ay libre.
(UNTV RADIO)
Sa 10th District ng Paris sa Rue de Paradis ay mag-eeksperimento ng “zero waste” at magiging kauna-unahang zero waste-street sa Paris.
Ang proyektong ito ay mag-uumpisa sa ika-18 ng Disyembre 2018 at tatagal ng isang taon.
Mahigit anim na libo ang naninirahan sa kahabaan ng Rue de Paradis, lahat ay inuudyukan ng 10th District City Council, maging ang mga empleyado, small businesses at maging ang mga estudyante sa paaralan na bawasan ang kanilang basura at maging madisiplina sa pagre-recycle.
Isang grupo ng asosasyon, ang “Zero Waste Paris” ang nagbigay kaalaman sa mga residente na nais magsanay sa ganitong uri ng pamumuhay.
Dito ipinakita ng grupo kung ano ang mga alternatibong gagamitin sa kanilang pang araw-araw na hindi makaka-apekto sa kalusugan at kalikasan, recycling at decomposing.
Ayon sa residente ng Rue de Paradis, ilang araw pa lamang nag-uumpisa ng zero waste lifestyle, aniya ay hindi ito madali pero unti-unti niya itong ginagawa para sa susunod na hererasyon.
Ang proyektong ito ay isa sa climate plan na hakbang ng Paris City Council dahil sa lumalalang climate change at ayon sa deputy mayor ng 10th District ay mas makakamura at abot-kaya ng bulsa ang pagiging zero waste.
Ang paggamit ng plastik at papel araw-araw, kung walang maayos na recycle ay nagiging dahilan ng ecosystem pollution, pagtaas ng carbon dioxide level sa atmosphere, climate change, pagkalason ng marine life at kinalaunan ay paglaho o extinction ng mga partikular na uri ng halaman at hayop.
Dagdag pa nito, malaki ang magagawa ng bawat indibidwal sa kanilang pang araw-araw na pamumuhay upang mapabuti ang kalagayan ng mundo.
( Jhun Garin / UNTV Correspondent )
Tags: France, Rue de Paradis, waste-street
Inumpisahan na ng pamahalaan ng Pilipinas at France ang pag-aaral hinggil sa panukalang paggamit ng cable car system sa Metro Manila.
Ang naturang feasibility study ay popondohan ng bansang France sa halagang 450,000 Euros o katumbas ng 27 milyong piso.
Layon ng naturang pag-aaral na matukoy kung papaano magiging posible ang paggamit ng cable car sa sistema ng transportasyon sa Metro Manila.
Isinagawa ang unang technical meeting kahapon sa tanggapan ng Department of Transportation (DOTr) sa Clark, Pampanga.
Dinaluhan ito ni French Ambassador to the Philippines Nicolas Galey, French Embassy Economic Counselor Laurent Estrade, mga kinatawan ng Transportation Department at economic officials.
Ayon sa DOTr, nais ng technical working group na ilagay ang cable car system sa Metro Manila, ngunit ipinapanukala ni Transportation Secretary Arthur Tugade na ikonsidera ng mga ito ang paggamit nito sa La Union patungong Baguio, gayundin ang ruta ng Caticlan patungong Boracay.
Tags: cable car system, France, Metro Manila
Sa unang pagkakataon, lumahok ang tatlong Filipino contemporary artists na sina Dhon Dela Paz, Nior Salonga at Francis Eric Dimarucut sa isinagawang 20th Portes Ouvertes Des Ateliers D’artistes, art exhibition sa Montreuil, East Suburb ng Paris mula ika-12 hanggang ika-15 ng Oktubre.
Agaw pansin ang pyesa ni Dimarucut na may pamagat na stitch memory na may nakasabit na longganisa.
Aniya, ang pamilya nila ang isa sa pinakamasarap na gumagawa ng longganisa sa Paniqui, Tarlac. Inilalarawan sa kaniyang obra ang dugo at pawis na puhunan ng kaniyang ama sa kanilang negosyo na sinangkapan ng ginintuang puso.
Bato sa Buhangin, Gintong Araw, Bituin, Piece of me at Shadow of your Love naman ang tema ng sining ni Nior Salonga. Ang kaniyang likhang sining ay tumutukoy sa kaniyang buhay. Ipinakikita ang mga ala-ala ng nakalipas, karugtong ng ngayon at bukas.
Hiindi naman naging hadlang ang kahirapan sa buhay para kay Dhone Dela Paz dahil nagpursige siyang pagbutihin pa rin ang kaniyang talento sa sining lalo na at ito ang kanyang hilig.
Masaya ang mga artists na ito dahil sa suporta ng mga kapwa Filipino sa mga kagaya nilang baguhan sa larangan ng sining sa France.
Ang mahalaga anila ay naipakita nila sa kanilang mga obra ang sipag, ugali at higit sa lahat ang pag-ibig sa pamilya ng mga Pilipino.
