METRO MANILA – Nagsalita na si Vice President Sara Duterte sa mga naging pahayag ni First Lady Liza Araneta-Marcos ukol sa kaniyang saloobin laban sa ikalawang pangulo.
Sa isang video message, inihayag ni VP Sara ang kalayaan ng unang ginang na ilabas ang kanyang galit at sama ng loob sa kaniya.
Binigyang-diin naman ng bise presidente na iiwan na niya ang nasabing usapin sa pamamagitan ng pakikipag-usap nang personal kay Pangulong Ferdinand Marcos Jr.
Iginiit din ni VP Sara na mas dapat bigyang pansin ang iba pang mahahalagang problema na kinakaharap ng bansa.
Tags: FL Liza Marcos, VP SARA DUTERTE
METRO MANILA – Nakuha ni Vice President Sara Duterte ang pinakamataas na satisfaction at trust rating sa isinagawang survey ng Acquisition Apps Incorporated para sa buwan ng Marso ngayong taon.
Batay sa resulta ng survey, nakakuha ng 54% na satisfaction rating si VP Sara na sinundan naman ni President Ferdinand Marcos Jr., House Speaker Martin Romualdez at Senate President Migz Zubiri na kapwa nakakuha ng 41% na score.
Ang naturang rating ng pangalawang pangulo ang naging pinakamataas sa top government officials ng bansa kahit na bumaba ito ng 3% mula sa kanyang dating score na 57% noong February 2024.
Samantala, si VP Sara rin ang nanguna sa trust rating kung saan nakuha nito ang 64% kumpara sa nakuhang scores nina Pangulong Marcos na 54%.
Tags: survey, Top, VP SARA DUTERTE
METRO MANILA – Nangako si Vice President at Department of Education (DepEd) Secretary Sara Duterte na gagawin niya ang higit pang makakaya para sa kagawaran na kaniyang pinangungunahan.
Ito ang kaniyang naging pahayag kasabay ng pagdiriwang ng ika-125 anibersyo ng pagkakatatag ng DepEd.
Ayon sa ikalawang pangulo, itataguyod niya ang paghubog at suporta sa mga kabataang Pilipino para maging kapakipakinabang para sa pambansang kaunlaran.
Sinabi rin ni VP Sara na ang kagawaran ay magpapatupad ng mga epektibong programa at itataguyod ang isang gender-sensitive, ligtas, at nakapagpapatibay na kapaligiran para sa mga Pilipinong mag-aaral.
Binigyang-diin nya na magiging matatag ang kagawaran tungo sa isang bansang makabata at magkaroon ng batang makabansa.
Tags: DepEd, VP SARA DUTERTE
METRO MANILA – Nanatiling mataas ang approval ratings na nakuha ni Pangulong Ferdinand Marcos Junior at Vice President Sara Duterte sa second quarter ng taon batay sa isinagawang latest survey ng Publicus Asia Inc. .
Mula sa 60%, nakakuha si PBBM ng 62% approval rating sa second quarter ng 2023, habang nanatili naman sa 67% ang approval rating ni Vice President Sara Duterte.
Naniniwala ang punong ehekutibo na resulta ito ng kanilang panawagan na pagkakaisa noon pa man sa panahon ng kampanya at patuloy nitong pagsulong na mapabilang ang Pilipinas sa may mabilis na paglago pagdating sa global economy.
Samantala, bukod kay PBBM at VP Sara, tumaas naman sa 48% ang nakuhang approval rating ni Senate President Juan Miguel Zubiri mula sa 47% noong first quarter.
Habang napanatili naman ni House Speaker Ferdinand Martin Romualdez ang 42% trust rating sa ikalawang kwarter ng taon.
Pero bahagyang ring tumaas ang disapproval ni Romualdez ngayong 2nd quarter partikular sa bahagi ng North Central Luzon.
Tags: PBBM, survey, trust rating, VP SARA DUTERTE
