Inilabas na ng pulisya ang walong lugar na kabilang sa watch list areas sa probinsya ng Cebu.

Kasama sa Elections Watch List Areas ang Bogo City, Daanbantayan, Carmen, San Fernando, San Francisco, Dumanjug, Medellin at Tuburan.

Bago idineklara ng pulisya bilang EWAS ang mga lugar ay mayroong batayan na sinunod at tiningnan ang mga ito.

Mas palalakasin pa ang seguridad sa mga nasabing lugar upang mas mabantayan ang EWAS lalo na’t nalalapit na ang halalan.

Ayon kay PS/Supt. Renato Dugan ng Police Region Office VII, kung kinakailangang magdagdag pa ng personnel sa mga lugar na kabilang sa EWAS ay gagawin nila.

Idinagdag din nito na patuloy pa rin ang isinasagawang checkpoint sa buong rehiyon.

Tiniyak naman ng PRO-7 na nakahanda na ang kanilang pwersa sa May 9 elections.

(Gladys Toabi / UNTV Correspondent)

Tags: Elections Watch List Areas, May 9 elections, Walong lugar sa probinsya ng Cebu