File photo

Inaasahang magpapatupad ng oil price rollback ang mga kumpanya ng langis ngayon linggo.

Ayon sa oil industry sources, animnapung sintemo hanggang pitumpu’t limang sentimo kada litro ang ibabawas sa kada litro ng gasolina.

Maglalaro naman sa limampung sentimo hanggang animnapung sentimo ang posibleng ibawas sa kada litro ng diesel.

Pitumpung sentimo hanggang walumpung sentimo naman ang inaasahang rollback sa kada litro ng kerosene.

Kung matutuloy, ito ang pangalawang price rollback ngayong buwan.

Ang oil price rollback ay bunsod ng paggalaw ng presyo ng mga produktong petrolyo sa pandaigdigang pamilihan. (Medina Baniqued/UNTV Radio )

Tags: oil price rollback