Simula pa kahapon ay wala nang tigil ang pag-ulan dito sa Bulacan kaya naman lubog na ngayon sa tubig baha ang ilang lugar dito.
Kabilang na dito ang labing isang barangay sa bayan ng San Miguel.
Ayon kay Felicisima Liz Muncal, ang head ng Bulacan Provincial Disaster Risk Reduction and Management Council.
Umagos ang tubig dulot ng malakas na pagulan mula sa Mt Manalmon sa bayan ng Donia Remedios Trinidad sa Bulacan pababa sa bayan ng San Miguel.
Sa ulat ng Bulacan PDRRMC, ang mga baranggay na lumubog sa baha ay ang sumusunod.
Zone1 to 3 at Zone 6 at 7 Barangay San Jose kung saan umabot sa tatlong talampakan ang baha.
Dalawa hanggang tatlong talampakan naman ang baha sa Barangay Camias sa Sitio San Pedro at highway.
Two to four feet naman sa Barangay Buga, Bagong Silang at Barangay Ilog Bulo.
Two to three feet sa Barangay Salacot at San Vicente.
Dalawang talampakang taas ng baha sa Barangay King Kabayo at Pinambaran.
At pinaka mataas naman ang baha sa Barangay Buliran na umaabot sa five to six feet.
Naka antabay naman ang mga residente na nakatira malapit sa ilog para sa posibleng paglikas kung mag tutuloy tuloy ang pagtaas ng tubig sa ilog.
Nakahanda na rin ang rescue team ng lalawigan ng bulacan para sa mga mangangailan ng tulong.
(Nestor Torres / UNTV Correspondnet)
Tags: 11 barangay, binaha, San Miguel Bulacan
Lubog na sa tubig baha ang ilang lugar sa Urdaneta, Pangasinan.
Sa mga larawan na ipinadala ng ating kasangbahay na si Alnor Sedurante, mula pa kahapon ay lubog na sa baha sa kanilang barangay sa Catablan Urdaneta, Pangasinan.
Sa kalsada papuntang Mapandan at Manaog galing Urdaneta, umaabot sa hanggang binti at tuhod ang lalim ng baha.
Sa ibang mga bahay naman ay umaabot sa mula baywang at dibdib ang tubig baha.
Sa ngayon, pansamantalang tumigil ang pag-ulan sa lugar ngunit apektado naman ng baha ang pang araw-araw na gawain ng mga residente doon.
Tags: binaha, pag ulan, pangasinan
Pasado alas singko ng hapon kahapon ng bumuhos ang malakas na ulan sa Metro Manila.
Ang ilang minutong ulan, nagdulot ng baha sa ilang lugar sa Metro Manila. Sa Almar Zabarte, Caloocan City tinangay ng agos ng baha ang ilang orange barrier.
Nagdulot ito ng pagbigat ng trapiko sa lugar dahil humarang sa kalsada ang mga barrier. Sa Anonas street sa Quezon City, mabagal din ang usad ng mga sasakyan dahil sa baha.
Malakas na agos ng tubig baha naman ang naranasan sa may Mother Ignacia Avenue habang malalim na tubig-baha naman ang naranasan ng mga motorista sa Mindanao Avenue.
Lumusong naman sa hanggang tuhod na baha ang mga residente sa Barangay Batasan Hills.
Pero umabot naman sa hanggang baywang ang lalim ng tubig baha sa may R. Papa street habang malalim na tubig-baha naman sa may España. Bumaha rin sa may LRT Balintawak station. Dahil sa baha at traffic daan-daang pasahero ang stranded.
Sa may Edsa North Avenue, sa mismong kalsada na nag-aabang ng masasakyan ang ilang pasahero. Subalit siksikan na ang mga bus at pampasaherong jeep na dumadaan.
Alas onse na ng gabi nakasakay ang maraming pasahero matapos humupa ang baha at tumila ang ulan.
Ayon sa PAGASA, thunderstorms ang dahilan ng malakas na pagulan kagabi sa Metro Manila at mga karatig lalawigan.
Ang maaliwalas na panahon sa umaga ay nagbigay daan para maipon ang tubig sa kalangitan na siyang bumuhos naman mula alas 3 ng hapon.
Dagdag pa dito ang kombinasyong epekto ng habagat na nakakaapekto sa kanlurang bahagi ng Northern at Central Luzon.
Mula alas singko ng hapon hanggang alas otso ng gabi ay nakapagtala ang PAGASA ng 97mm na dami ng ulan na katumbas ng mahigit sa isang linggong ulan ngayong buwan ng Hunyo.
( Victor Cosare / UNTV Correspondent )
Tags: binaha, malakas na ulan, Metro Manila
Binaha ang ilang lugar sa Masantol, Pampanga kahapon.
Ayon sa mga residente, umapaw ang tubig sa ilang palaisdaan sa lugar dahil sa ilang araw na pag-ulan na dulot ng habagat.
Ang ilang residente naman ay naglagay na ng sandbag sa harap ng kanilang mga bahay upang hindi mapasok ng tubig.
Pangamba ng mga ito, mas tumaas pa ang baha at tumagal ng ilang araw lalo na kapag umapaw naman ang mga ilog sa lalawigan na nagsisilbi namang catch basin ng mga ulan na mula sa mga probinsya sa Northern Luzon.
Tags: binaha, palaisdaan, Pampanga
