Aabot sa labintatlong Senador ang posibleng bumoto pabor sa pagbabalik ng parusang kamatayan sa bansa. Ito ay sina Senate President Vicente Sotto III, Senators Bong Go, Ronald dela Rosa, Sherwin Gatchalian, Aquilino Pimentel III, Panfilo Lacson, Lito Lapid, Imee Marcos, Bong Revilla, Francis Tolentino, Cynthia Villar, Pia Cayetano at Manny Pacquiao.
“Basta death penalty, kahit anong paraan, lethal injection, kahit ano, basta death penalty,” ani Sen. Manny Pacquiao.
Sapat na ang bilang na ito kung tutuusin upang makalusot ang panukala sa mataas na kapulungan ng Kongreso. Subalit may posibilidad na maaaring umatras ang ibang Senador. Dahil magkakaiba ang nais nilang bersyon. Mayorya sa kanila ay nais na limitahan lamang ang death penalty sa high level drug trafficking. Taliwas sa nais ni Pangulong Rodrigo Duterte na isama sa saklaw ng death penalty ang plunder.
Hati din ang pananaw ng mga Senador kung paano isasagawa ang death penalty.
Sampung Senador naman ang nagpahayag na ng pagtutol sa panukala.
Ito ay sina senators Franklin Drilon, Risa Hontiveros, Leila de Lima, Francis Pangilinan, Juan Miguel Zubiri, Richard Gordon, Grace Poe, Nancy Binay, Ralph Recto at Joel Villanueva.
Si Senator Sonny Angara, wala pang posisyon sa panukala at nais munang pakinggan ang debate.
Sa ibang panukalang batas, limang Senador ang nagpahayag ng suporta sa pagpapasa ng mandatory Reserve Officers’ Training Corps bill. Ngunit pagdedebatehan pa dito kung akma nga ito para sa grade 11 at 12.
Sina senators hontiveros at marcos naman ay tutol sa panukala.
“So hindi pwede yan sa mga kabataan, sabi ni Presidente k11 at k12 parang makikusap po ako kontra yan sa mga pinirmahan nating un (United Nations) resolutions,” ani Sen. Imee Marcos.
Sa pagpapasa naman ng panukalang pagpapaliban ng Sangguniang Kabataan at Barangay Elections sa October 2022 mula May 2020.
Ayon kay Senator Francis Tolentino, posibleng maaprubahan agad ito ng Senado.
“Mukhang lusot na ‘yun talagang i-eextend ‘yun, ‘di ko nakita ang draft bills nila, pero mauuna sa agenda ng local government ‘yun,” sinabi ni Francis Tolentino.
(Nel Maribojoc | UNTV News)
Tags: death penalty, Sen. Manny Pacquiao, Senate, Senate President Vicente Sotto III
METRO MANILA – Magsasagawa ang Senado ng isang executive session sa June 5 para talakayin ang isyu patungkol kay Bamban Tarlac Mayor Alice Guo.
Ayon kay Senate Deputy Minority Leader Risa Hontiveros, nais nitong malaman kung totoo ang alegasyon na isang chinese national ang tunay na ina ng alkalde.
Batay aniya sa kanyang source, napag-alaman na ‘Winnie’ umano ang tawag sa sinasabing ina ni Mayor Guo.
Kasama rin sa tatalakayin sa executive session ang pagkakadawit ng alkalde sa Philippine Offshore Gaming Operators (POGO).
METRO MANILA – Nangunguna pa rin sa napupusuan na maging senatorial candidate para sa 2025 midterm elections si Dating Pangulong Rodrigo Duterte batay sa pinakahuling survey ng Tangere ngayong buwan.
Sa resulta ng mobile-based survey na isinagawa mula April 10 hangang 13,2024, nakakuha si Duterte ng 56.67% voter preference.
Pangatlong buwan na itong top spot ang dating punong ehekubito sa Tangere 2025 senate survey.
Sumunod naman sa senate poll sina ACT-CIS party-list representative Erwin Tulfo, Senator Bong Go, Former Senator Tito Sotto at ang broadcaster na si Ben Tulfo.
Pasok din sa top 10 sina Senators Pia Cayetano, Imee Marcos, Dating Manila Mayor Isko Moreno Domagoso at Dating Senador Manny Pacquiao.
Isinagawa ang 2025 senate survey sa pagkalap ng tugon sa 2,400 participants sa buong mundo sa pamamagitan ng isang mobile-based respondent application
METRO MANILA – Tiniyak ng Senado na tututukan nito ang pagtalakay at pagpasa sa panukalang buhayin ang mandatory Reserve Officers Training Corps (ROTC).
Ayon kay Senate President Juan Miguel Migz Zubiri, kailangang mabigyan ng pagkakataon ang panukalang batas.
Dagdag nito, hindi na lang aniya sesentro ang bagong mandatory ROTC sa nakagawiang basic military training.
Naka session break ngayon ang Senado at nakatakdang bumalik sa April 29 at isasalang na sa debate sa plenaryo ang panukala sa susunod na buwan.
