METRO MANILA – Matatanggap na ng nasa 136,000 mga jeepney driver o operators ang fuel subsidy.
Ito ang ipinangakong ayuda ng pamahalaan sa sunod-sunod na taas presyo ng mga produktong petrolyo.
Sa ilalim ng Pantawid Pasada Program ng Department of Transportation (DOTr) at Land Transportation Franchising and Regulatory Board (LTFRB), mabibigyan ng P7,200 ang kada driver o operator na nakarehistro sa listahan ng LTFRB.
Naka-debit ito sa pantawid pasada card na maari lamang gamitin ng mga driver sa 9 na participating gasoline stations.
Paalala ng LTFRB, hindi maaaring i-withdraw ng mga operator at driver ang perang nakalaan para sa fuel subsidy.
Bawal itong gastusin sa ibang bagay at ekslusibo lamang na gagamitin sa pagpapakarga ng diesel.
Babala ng ahensya, iisyuhan ng show cause order ang operator o driver na gagamitin ang fuel subsidy sa ibang paraan.
Malaking tulong naman at labis na ipinagpapasalamat ng ilang jeepney drivers ang ayuda mula sa pamahalaan, lalo’t mataas pa rin naman ang presyo ng diesel at may mga pagkakataon pa rin na matumal ang biyahe.
Pero ang ilang Public Utility Vehicle (PUV), gaya ng mga taxi drivers, dismayado pa rin dahil hindi sila nakasama sa fuel subsidy, panawagan nila sa gobyerno maging sila ay nangangailangan rin ng ayuda dahil sa taas ng presyo ng mga produktong petrolyo.
Bagaman suportado ng pamahalaan ang panawagan ng iba pang PUV drivers, ipinaliwanag ni LTFRB Chairman Martin Delgra III na kinakailangan munang amyendahan ng kongreso ang Train Law, bago makasama sa bibigyan ng fuel subsidy ang mga taxi, UV express at bus drivers.
“We fully support the Department of Transportation, we fully support the move of the senate to add additional budget for that matter or the fuel subsidy program, kaya nga lang kung kailangan talaga mapasali yung ibang modes of public transport kailangan na maamyendahan o mabigyan ng provision itong kasalukuyang fuel subsidy program para mapasali yung ibang modes of public transport gaya ng taxi, UV express, bus, TNVS, yun po.” ani LTFRB Chairman, Atty. Martin Delgra III.
Sa ngayon ay pinag-aaralan pa ang DOTr at LTFRB ang ibang programa para naman matulungan rin ang ibang transportation units na dumaraing rin sa mataas na presyo ng mga produktong petrolyo.
(JP Nuñez | UNTV News)
Tags: DOTr, Fuel Subsidy, LTFRB, PUV driver
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
