8 minero na na-trap sa gumuhong Gypsum Mine sa China, natagpuang buhay

by Radyo La Verdad | December 31, 2015 (Thursday) | 1248

Gypsum Mine sa Eastern China(REUTERS)

Buhay pa ang walo sa labingpitong minero na na-trap sa gumuhong Gypsum Mine sa Eastern China limang araw na ang nakakaraan.

Naghukay ang mga rescuer ng relief hole sa isang bahagi ng guho at ipinasok ang infrared camera.

Dito nakita ang walong minero na magkakasama at nasa maayos na kondisyon at kalusugan.

Matapos na matukoy ang kanilang kinalalagyan, kaagad na binigyan ng pagkain at ilaw na pinadaan sa relief hole.

Pinag aaralan na ng mga otoridad kung papaano mailalabas ang mga minero.

Biyernes ng gabi nang gumuho ang minahan na kinaroonan ng 29 na minero.

Apat sa mga ito ang nakaligtas, labing isa ang naunang na-rescue habang isa naman ang nasawi.

May siyam pang minero na pinaghahanap sa ngayon ng mga rescuer.