Nakaupo na sa gilid ng kalsada ang apat na magkakaibigan nang abutan ng UNTV News and Rescue Team matapos mahagip ng 10 wheeled truck ang sinasakyan nilang tricycle sa Burgos Street Reclamation Intersection sa Bacolod City kahapon ng alas dos ng madaling araw.
Nagtamo si Jim Castel ng mga sugat sa kanang bahagi ng ulo, bibig at kamay.
Ininda naman ng kasama nitong si Ronald Malauba ang pilay sa kanang paa.
Habang ang kasama nitong si Joemarie ay nagtamo ng bukol sa ulo.
Kaagad naman silang binigyan ng pang unang lunas ng UNTV News and Rescue Team at saka inihatid sa Western Visayas Regional Hospital.
Samantalang ang isa naman nilang kasamahan ay tinulungan ng Locale Government Rescue 117 at saka inihatid sa Riverside Hospital.
Ayon sa mga biktima pababa na sila ng sinasakyan nilang tricycle ng biglang mahagip ng humaharurot na 10 wheelled truck ang kanilang sasakyan.
Hindi naman nila nakuha ang plate number ng truck na nakasagi sa kanila.
(Bacolod News Team)
