Aprubado na sa Congressional Bicameral Conference Committee ang mandatoryong paglalagay ng mga speed limiter sa lahat ng mga pampublikong sasakyan.
Ayon kay Senator JV Ejercito, pangunahing may akda ng Senate Bill No.2999 o ang Speed Limiter Bill, ang naturang panukala ay bunsod ng sunod-sunod na aksidenteng kinasangkutan ng Don Mariano, GV Florida at Valisno buses kung saan maraming commuter ang nasugatan at nasawi dahil sa over-speeding ng mga bus.
“Fatal accidents that involved the Don Mariano, GV Florida, and Valisno buses prompted me to file this bill. This is our solution to eliminate killer buses.” Pahayag ni Senador Ejercito.
Bersyon ng kamara ang sinunod ng Bicam committee kung saan lalagyan ng speed limiter ang lahat ng public utility vehicle.
Sa ilalim ng panukala, matapos ang isang taong implementasyon ng Department of Transportation and Communication, saka lamang pag-aaralan kung isasama na rin sa lalagyan ng speed limiter ang mga taxi, tricycle, at jeepney.
Magmumulta naman ng limampung libong piso at masususpinde ang mga prankisa ng mga lalabag sa nasabing panukala.
Dagdag pa ni Senador Ejercito,ang itatalagang speed limit ay ipapaubaya sa magiging desisyon ng Department of Transportation and Communication, Land Transportation, Franchising, and Review Board, Land Transportation Office, Department of Science and Technology, at Department of Trade and Industry.
(Meryll Lopez / UNTV Radio Reporter)
Tags: BICAM, pampublikong sasakyan, speed limiter
Ngayong alas kwatro ng hapon pipilitin ng Bicameral Conference Committee na aprubahan na ang panukalang Bangsamoro Basic Law (BBL).
Ito na ang ikaanim na araw na debate para sa pagpapasa ng kontrobersyal na panukala.
Ayon kay Senate Subcommittee on BBL Chairman Juan Miguel Zubiri, limang isyu na lamang ang natitira na dapat nilang isapinal ngayong araw.
Isa sa sensitibong probisyon na kanilang tatalakayin ngayon ay ang provision on patrimony at natural resources.
Nakapaloob dito kung papaano gagamitin ng Bangsamoro people ang sakop nitong karagatan at ibang likas na yaman.
Nangako si Senator Zubiri na maglalabas ng pinal na kopya ng bicam report para sa ipinasang bersyon ng BBL.
( Nel Maribojoc / UNTV Correspondent )
Tags: BBL, BICAM, sub committee
Pumabor ang senado sa panukalang kabitan ng speed limiter ang public utility buses
Naniniwala si Senador JV Ejercito ang may-akda ng Senate Bill 2999 o Speed Limiter Bill makababawas sa road accidents ang paglalagay ng speed limiters
Ayon sa ulat ng Philippine National Police, aabot sa mahigit dalawang libo ang aksidente sa kalsada noong 2013
Lumobo pa ito pagdating ng 2014 na aabot ng mahigit labing limang libo
Nasa mahigit 13 thousand naman ang naitalang aksidente sa kalsada ng PNP noong 2015 mula Enero hanggang Hulyo.
Ayon naman sa pag-aaral na ginawa ng UP National Center for Transport Studies sa speed control sa public utility buses noong 2014 lumalabas na ang bus riders ang ikinokonsidera na pinaka lantad sa aksidente
Sa pag-aaral idinidiin dito ang katotohanan na ang bus ay anim na beses na mas mapanganib kaysa sa kotse at limang beses na mapanganib kaysa sa jeepney
Ayon kay Senador Ejercito, ang pagkakabit ng speed limiter ang magdidisiplina sa bilis ng sasakyan at maiiwasan ang aksidente sa kalsada
Sa pagaaral din ng UP-NCTS, ang speed limiters ay matagumpay na nakatutulong sa pagbaba ng bilang ng bus accidents
Sakaling maging batas, ang ikakabit na speed limiter ay naka programmed sa maximum 60 kilometer per hour para sa mga pampublikong bus na dumadaan sa EDSA, maximum of 80 kilometer naman per hour sa mga dumadaan sa NLEX, SCTEX, TPLEX, SLEX at Star-Tollway
Ayon sa panukalang batas, hindi irerehistro ang anumang pampublikong bus ng LTO o bibigyan man ng bagong prangkisa ng LTFRB hanggang hindi nakakabitan ng speed limiter
May accreditation rin ito upang matiyak na ang speed limiter sa mga bus ay katanggap-tanggap sa international standards at pasado sa specifications
May kaukulang parusa naman ang mapatutunayang magtatamper nito at multa ng hindi hihigit sa isan daang libong piso sa sinomang pub operators na hindi makasusunod sa batas.
Una nang inaprubahan ang version ng panukala sa House of Representatives na House Bill 5911
Matapos aprubahan ng senado at kamara ay kailangan pa nitong dumaan sa Bicameral Conference Committee, ratipikahan ng mababa at mataas na kapulungan ng kongreso at lagdaan ng pangulo upang maging ganap na batas.
(Bryan de Paz/UNTV News)
Tags: Senador JV Ejercito, Senate Bill 2999 o Speed Limiter Bill, speed limiter, UP National Center for Transport Studies
Naglabas ng Memorandum Circular ang Land Transportation Franchising and Regulatory Board upang pahintulutan ang paglalagay ng Political Advertisements sa mga Public Utility Vehicles o PUVs tulad ng bus, taxi, pedicab, tricycle at jeepney.
Ito ay matapos magdesisyonan ang korte suprema sa petisyon ng 1-UTAK hinggil sa pagbabawal ng Commission on Election sa paglalagay ng political ads sa mga pampublikong sasakyan.
Ayon sa 1-UTAK, may karapatan ang mga Pilipino na makabahagi sa Political Process at kabilang dito ang paghikayat sa mga tao na iboto ang isang partikular na kandidato.
Magandang balita naman ito para kay Juliet De Jesus, Presidente ng City bus operators. Anya, dadag kita ito para sa mga pampublikong sasakyan.
Nakasaad sa Memorandum Circular ang mga guidelines at proseso upang maaprubahan ang mga aplikasyon ng mga operator na maglalagay ng political advertisement.
Nakasaad sa Memorandum Circular ang mga guidelines at proseso upang maaprubahan ang mga aplikasyon ng mga operator na maglalagay ng political advertisement.
(Macky Libradilla / UNTV Radio Reporter)
Tags: LTFRB, pampublikong sasakyan, pinahintulutan, Political ads
