Sa huling araw ng working visit ni Pangulong Benigno Aquino the third dito sa Los Angeles California kinamusta ng Pangulo ang kalagayan ng ating mga kababayan dito sa ibang bansa.
Pinagkalooban ng Honorary Doctor Of Humane Letters Degree kaninang umaga si Pangulong Benigno Aquino the third sa Loyola Marymount University o LMU.
Ito ay bilang pagkilala sa integridad at dedikasyon ng Pangulo sa ating bansa.
Maliban sa doctors degree pinagkalooban rin ng honor chords si Pangulong Aquino sa pangunguna ng isang LMU Filam student na si Edward James Asuncion.
Ito ang pangatlong pagkakataon na nabigyan ng honorary degree si Pangulong Aquino ng unibersidad sa ibayong dagat.
Ang dalawang nauna ay sa Fordham University sa New York at Sophia University sa Tokyo.
Matapos ang seremonya ay nagpaunlak naman ng interview ang Pangulong Aquino na pinangunahan ng World Policy Institute.
Nakipagkamustahan rin si Pangulong Aquino sa filipino community dito sa Los Angeles
Ngunit bago magbigay ng mensahe ay pinagkalooban nito ng Order Of Sikatuna si Philippine Ambassador to the US Jose Cuisia Jr.
Ang order of sikatuna ay pinakamataas na diplomatic honor na ipinagkakaloob ng Pilipinas.
Sumentro ang talumpati ng Pangulo sa mga dapat piliin ng mga botante sa darating na eleksyon
Ayon sa Pangulo huwag pipiliin ang mga kandidatong nangangako ng magandang SSS pension hike ngunit hindi naman kayang maisustain ito.
Sa dalawang araw na working visit ng Pangulong Aquino dito sa Los Angeles iba’t ibang business opportunities ang inaasahang dala dala nito para sa ating mga kababayan sa paguwi nito sa Pilipinas bukas
(Christie Rosacia/UNTV News)
Tags: Honorary Doctor Of Humane Letters Degree, Pangulong Benigno Aquino the Third
Kulang dalawang linggo na lang ang nalalabi bago tuluyang bumaba sa pwesto si Pangulong Benigno Aquino the third.
Sa isang telephone conversation, binati nito si incoming President Rodrigo Duterte at nag-alok din ng tulong.
Ayon kay Pangulong Aquino, ikinatuwa naman ni incoming President Duterte ang alok nito at nagpasalamat din sa kaniya.
Samantala, bago ang panunumpa ni President-Elect Duterte sa ika-30 ng Hunyo, muling mag-uusap ang dalawang pangulo.
Umaasa si outgoing President Aquino the third na magtutuloy-tuloy pa ang pagbuti ng kalagayan ng Pilipinas sa pagpapalit ng administrasyon.
At magagawa ito sa pamamagitan ng pagsuporta ng mga pilipino kay incoming President-Elect Duterte.
(Rosalie Coz/UNTV Radio)
Tags: incoming President Rodrigo Duterte, Pangulong Benigno Aquino the Third
Ipinahayag ni Pangulong Benigno Aquino the third ang patuloy na pagtugis sa mga bandidong Abu Sayaff kahit pa pinalaya ng mga ito ang kinidnap noong Marso na sampung Indonesian nationals.
Ayon kay Pangulong Aquino, mahabang panahong na ring naghahasik ng kaguluhan ang Abu Sayaff sa bansa kaya kailangan na silang supilin.
Sa ngayon tiwala ang pangulo sa ginagawang hakbang ng AFP at PNP upang matigil na ang paghahasik ng gulo ng Abu Sayaff.
Samantala, matapos sumailalim sa debriefing at medical check up ay nakauwi na sa kanilang bansa ang mga pinalayang bihag.
Itinanggi naman ng tagapagsalita ng PNP na nagbayad nang ransom ang mga biktima kaya sila pinalaya.
Nagpasalamat naman si Indonesian President Joko Widodo sa Pilipinas dahil sa naitulong sa pagpapalaya ng sampung Indonesian nationals.
Sinabi naman ng Department of Foreign Affairs na patuloy itong nakikipagugnayan sa pamahalaan ng iba pang bansa para sa ligtas na pag-rescue sa iba pang hostage.
(UNTV RADIO)
Ginawaran si Pangulong Benigno Aquino the third ng honorary degree sa public administration ng Manuel L. Quezon University kasabay ng graduation rites kahapon sa Pasay City.
Si Pangulong Aquino ay kinilala ng unibersidad dahil sa naging malaking kontribusyon nito sa sektor ng edukasyon.
Ibinida naman ng Pangulo ang mga nagawa ng kaniyang administrasyon.
Kabilang rin sa mga iniulat ng Pangulo ang ginawang pagtugon ng kaniyang administrasyon sa edukasyon partikular na ang mga kakulangan ng mga silid aralan, textbook at mga silya.
Sinamantala naman ng Pangulo ang pagkakataon upang suyuin ang mga estudyante kaugnay ng paparating na eleksyon.
Dito niya inendorso sina Mar Roxas At Leni Robredo tandem na pinaniniwalaan niyang makapagpapatuloy ng kaniyang mga nasimulang reporma.
(Nel Maribojoc/UNTV NEWS)
Tags: honorary degree, Pangulong Benigno Aquino the Third, reporma
